Suliffeqarfissi MitID Erhverv-imut atassuserneqartariaqarnersoq paasiniaruk qanorlu atassuserneqarsinnaanersi pillugu paasisaqarneralutit.
MitID Erhverv aallartiguk
MitID Erhverv atorlugu suliffeqarfissinni sulisusi suliffeqarfissi sinnerlugu digitalimik iliuuseqarsinnaapput, assersuutigalugu suliffeqarfiup Digitalimik Allakkat (ass.e-boks) atuarlugit imaluunniit utertitsinermik nalunaaruteqarluni.
Tassani MitID Erhverv-imik qanoq aallartissanerlusi tamakkiisumik takunnissinnaavusi. Alloriarnerit sisamaapput:
Alloriarneq 1: Suliffeqarfissi MitID Erhverv-imik atuisalernissamik pisariaqartitsinersoq paasiniaruk
Suliffeqarfiit tamarmik MitID Erhverv-imik atuisalernissamik pisariaqartitsinngillat. Pissutsit assigiinngitsut apeqqutaapput, ass.:
- suliffeqarfiup suussusaa
- suliffeqarfissinni kina suliffeqarfik sinnerlugu digitalimik iliuuseqartassanersoq.
Suliffeqarfissi MitID Erhverv-imik atuisalernissamik pisariaqartitsinersoq paasiniaruk:
Suliffeqarfissi MitID Erhverv-imut atassuserneqarnissamik pisariaqartitsivia?
Alloriarneq 2: Suliffeqarfissi MitID Erhverv-imut atassuseqarneqarnissaanut piareersarsiuk
Suliffeqarfissi MitID Erhverv-imut atassuseqarneqarnissamik pisariaqartitsippat atassuseqarneqarnissap aallartinnginnerani suut piareersimatinneqassanersut paasisinnaavasi:
Suliffeqarfissi MitID Erhverv-imut atassuserneqarnissaanut piareersarsiuk
Alloriarneq 3: Suliffeqarfissi MitID Erhverv-imut atassusersiuk
Suliffeqarfissi MitID Erhverv-imut atassuseqarneqarnissamut pisariaqartinneqartitai tamarmik piareerpata atassuserneqarnissaq aallartissinnaavarsi.
MitID Erhverv: Suliffeqarfissi atassusissavat (qallunaatut)
Atassusiineq qanoq ingerlanneqassanersoq pillugu ilitsersuutit alloriarnikkaartut atuakkit:
Alloriarneq 4: Suliffeqarfissi MitID Erhverv-imi ikkussorsiuk
Suliffeqarfissi atassuserneqarpat suliffeqarfissi MitID Erhverv-imi ikkussuutissavarsi:
Suliffeqarfissi Kalaallit Nunaanni suliffeqarfiit CVR-imi nalunaarsorneqarsimava?
MitID Erhverv-imi suliffeqarfiit Kalaallit Nunaanni Danmarkimiluunniit CVR-imi allattorsimaffianniinnersut apeqqutaanngilaq. Kalaallit Nunaanni suliffeqarfiit Danmarkimi suliffeqarfiit atassuserneqartussat aqqusaagassaat maliinnarsinnaavaat.
MitID Erhverv-imut atassusernermi apeqqutit akissutillu
Paarsisutut, matusisussatut imaluunniit matusinaveersaartussatut, suliffeqarfik atorunnaarsikkiartorneqartoq sinnerlugu iliuuseqartussatut pisinnaatinneqarsimaguit suliffeqarfik MitID Erhverv-imut atassuseqqissavat. Qanoq iliornissat pillugu uani paasisaqarnerugit:
Suliffeqarfik atorunnaarsikkiartorneqartoq sinnerlugu digitalimik iliuuseqartarputi (qallunaatut)
MitID Erhverv-imut atassuserneqarnissamut qinnuteqaatersi itigartinneqarsimappat itigartitsinermut pissutaasoq e-mailisiassinni takusinnaavarsi. Assersuutigalugu:
- uppernarsaasersuinerunissamik pisariaqartitsisoqarpoq
- suliffeqarfissi suussusaanut uppernarsaasersuinermut piumasaqaatinut uppernarsaatit ilanngunneqarsimasut naapertuutinngillat.
MitID Erhverv-imut atassuserneqarnissamik qinnuteqaatersi itigartinneqarsimappat atassuserneqarnissamut nutaamik aallartitsisinnaavusi.
Suliffeqarfimmi aqutsisunut sinniisut atuuffiinut uppernarsaat
Suliffeqarfissi suussusaanut malittarisassat aalajangersortarpaat aqutsisunut sinniisumik CVR-imi nalunaarsuiffimmut nalunaarsuisoqassaneranik aalajangiisarput.
Peqatigiiffimmi sinniisumik CVR-imi nalunaarsuiffimmut nalunaarsuisoqassanersoq nammineq aalajangerneqartussaavoq.
Sinniisorineqartoq CVR-imi nalunaarsuiffimmiippat MitID Erhverv-imut atassusiinermi suliffeqarfissinni aqutsisunut sinniisup atuuffianik uppernarsaatinik ikkussuinissaq ilaanni pisariaqarneq ajorpoq. Suliffeqarfissi suussusaa apeqqutaavoq.
Sinniisorineqartoq CVR-imi nalunaarsuiffimmiinngippat MitID Erhverv-imut atassusiinermi suliffeqarfissinni aqutsisunut sinniisup atuuffianik uppernarsaatinik aallaaviatigut ikkussuissaasi.
Suliffeqarfissi suussusaa toqqarsiuk suliffeqarfissinni sinniisup atuuffianik uppernarsaammik ikkussuisoqartariaqarnersoq paasiniarlugu.
Suliffeqarfiit suussusaannit pingasunit qulaaniittunit suliffeqarfissi allaanerusimappat atassusiinermi uppernarsaammik ikkussuissaasi.
Aqutsisunut sinniisoq inuup normoqanngippat imaluunniit namminerisamik MitID-qanngippat, ass. aqutsisunut sinniisoq nunanit allaneerpat, suliffeqarfissi suli atassuserneqarsinnaavoq. Tamanna inummik suliffeqarfimmiittumik avataaniittumilluunniit toqqaanikkut pissaaq. Nalunaaruteqartumik taanna taaneqartarpoq. Nalunaaruteqartoq namminerisamik MitID-eqassaaq inuullu normoqarluni.
Atassusiinermi aqutsisunut sinniisup atassusiinissamik isumaqatigiissut MitID Erhverv atorlugu akuerissavaa. Sinniisup pappilissamut atsiorneratigut tamanna pisinnaavoq, nalunaaruteqartullu atassusiinissap ingerlanneqarnerani isumaqatigiissut atsiorneqarsimasoq ikkusuutissallugu.
MitID Erhverv-imut atassuserneqannginnermi suut piareersimatissanerisi ataani paasisaqarfiginerusinnaavarsi suliffeqarfissi suususaa toqqarneratigut:
Suliffeqarfiit suussusaat allat: MitID Erhverv-imut atassusernissamut piareersarneq
MitID Erhverv-imut atassuserneqakutsoorsinnaavusi. Imaaliussaasi:
- suliffeqarfimmeersumik avataaneersumilluunniit nalunaaruteqartussamik atassusiinermik aallartitsisussamik toqqaaneq
- suliffeqarfimmi aqutsisumik toqqaaneq.
Nalunaaruteqartoq suliffeqarfimmilu aqutsisoq inuup normoqarlutillu namminerisamik MitID-qassapput.
Suliffeqarfissi suussusaa ataani toqqarlugu qanoq iliornissassinnik paasisaqarnerugitsi:
Suliffeqarfiit suussusaat allat: MitID Erhverv-imut atassusernissamut piareersarneq
Nalunaaruteqartoq suliffeqarfimmeersuuvoq imaluunniit avataaneersuuvoq MitID Erhverv-imut atassusiinermik aallartitsisoq. Nalunaaruteqartoq aqutsisunut sinniisuusinnaanngilaq, taanna atassusiinermik akuersisussaammat.
Nalunaaruteqartup suliffeqarfik MitID Erhverv-imut kisimiilluni atassusersinnaanngilaa, kisianni atassusiinermik aallartitsisinnaavoq, aqutsisunut sinniisoq taamaalilluni namminerisamik MitID atorlugu imaluunniit pappilissamut atsiorluni atassusiinermik isumaqatigiissummik kisimi atsiortuusinnaalluni.
MitID Erhverv-imut siullerpaamik iseruit namminerisamik MitID atussavat. Ilumut illit iserniarnerit tamatumani qulakkeerniarneqarpoq.
Namminerisamik MitID atorlugu iserneq innuttaasunik sullissivimmut passitaarniarluni ornigunnermut imaluunniit suliffittaanni kinaanermik uppernarsaammik takutitsinermut assersuunneqarsinnaavoq.
Sammisat attuumassuteqartut allat
Suliffeqarfissinnut MitID Erhverv-imut atassusilersumut tulliuttut aamma attuumassuteqarsinnaapput.
Suliffeqarfissi MitID Erhverv-imut atassuserneqarnissamik pisariaqartitsivia?
Suliffeqarfissi MitID Erhverv-imut atassuserneqarnissaanut piareersarsiuk
MitID Erhverv-imut atassusernermi apeqqutit akissutillu
MitID Erhverv pillugu paasissutissat nalinginnaasut MitID Erhverv-imillu qanoq atuisarnermut ilistersuutit nassaarisinnaavasi.