MitID Erhverv-imut atassusernermit ullut 60-it nallertinnagit suliffeqarfissi MitID Erhverv-imut ikkussuutissaaq.
Suliffeqarfissi MitID Erhverv-imi ikkussorsiuk
Qupperneq una ukununnga attuumassuteqarpoq:
- suliffeqarfimmi aqutsisoq.
Suliffeqarfimmi aqutsisoq MitID Erhverv-imut atassusernermi toqqarneqarpoq. Suliffeqarfimmi aqutsisup suliassai pillugit paasisaqarnerorusukkussi uani paasisaqarnerusinnaavusi:
Suliffeqarfissi MitID Erhverv-imi ikkussuunnissaanut suut piareersimassavisigit?
Suliffeqarfimmi aqutsisup suliffeqarfissi MitID Erhverv-imi ikkussuutilinnginnerani aqutsisup pigissavai:
- MitID Erhverv-imit e-maili suliffeqarfissi MitID Erhverv-imi ikkussuunnissaata aallartinnissaanut atugassamik linkilik. Linki MitID Erhverv-imut atassusernermit ullut 60-it taamaallaat atuussinnaavoq.
- suliffeqarfimmi aqutsisup namminerisamik MitID-ia, suliffeqarfiup ikkussuunnerani aqutsisup kinaanerminik uppernarsaatitut atugassaa.
- suliffeqarfik ukuninnga aalajangiussaqarsimassaaq:
- sulisusi qanoq isersinnaassanersut imaluunniit imminut sullissivinni atsiorsinnaassanersut.
- sulisut kinaanerminnik uppernarsaaniarlutik kinaanermut uppernarsaanermut uppernarsaat atortoq sorleq atussaneraat.
MitID Erhverv-imi isernissamut periarfissat aamma MitID-mi kinaassutsimik uppernarsaanermut atortut assigiinngitsuupput. Isernissamut periarfissat aamma kinaassutsimik uppernarsaanermut atortut assigiinngitsut pillugit uani paasisaqarnerusinnaavusi:
Malugiuk, suliffeqarfiup ikkussorneqarnera MitID Erhverv-imi inissitsiteriffimmi allanngortinneqarsinnaajuaannarmata.
Suliffeqarfissi MitID Erhverv-imi imannak ikkussussavarsi
Suliffeqarfissi MitID Erhverv-imut atassuserneqarnera naammassippat suliffeqarfimmi aqutsisoq MitID Erhverv-imit e-mailimik tigusaqassaaq suliffeqarfiup ikkussornissaanut atugassamik linkitalimmik. Linki quppernermut suliffeqarfiup MitID Erhverv-imi ikkussorlugu suliffeqarfimmi aqutsisup aallartitsivissaanut ingerlavoq.
Suliffeqarfimmi aqutsisup kinaassutsini namminerisamik MitID atorlugu uppernarsassavaa.
Malugiuk, suliffeqarfimmi aqutsisup namminerisamik MitID-ianit paasissutissat suliffeqarfimmut ingerlateqqinneqarnavianngimmata allamiluunniit toqqorneqarnaviaratik.
Suliffeqarfimmi aqutsisup kinaassutsini uppernarsareerpagu aqutsisup “Tullia” ("Næste" qallunatuut) tuussavaa.
Qupperneq “Suliassat isumagisassatit” ("Opgaver du skal løse" qallunatuut) ammassaaq. Quppernermi ikkussuineq naammassiniarlugu suliassassinnik takussutissiissaaq. “Tullia” ("Næste" qallunatuut) tooruk.
Suliffeqarfimmi aqutsisup toqqassavaa suliffeqarfimmi akuerineqassanersoq sulisut ukuninnga atuisinnaassasut:
- namminerisamik MitID: MitID sulisunit ass. nammineq aningaaserivigisamut isernissamut atorneqartartoq.
- immikkut MitID: MitID nutaaq, suliffeqarfik sinnerlugu digitalimik atuinissani taamaallaat atorneqartussatut pilersinneqartoq.
Aamma aalajangiiffigissavarsi akuerissanerlugu:
- avitseqatigiilluni kinaassutsimik uppernarsaanermut atortut: Sulisusi kinaassutsimik uppernarsaanermut atortutut immikkut MitID-mik suliffeqarfimmit allamit tunniunneqarsimasumik atuisinnaassanersut.
- sumiiffimmi kinaanermik uppernarsaanermut atortut: Nammineq kinaassutsimik uppernarsaanermut atortusi systemissinnut isissutigisartakkasi imminut sullissivinnut isernissamut aamma atorneqarsinnaassanersut. Sumiiffimmi kinaassutsimik uppernarsaanermut atortut suliffeqarfinni angisuuni sumiiffimmi IdP-mik pilersitsisimasuni atuutikkajunnerusarput.
Isernissamut periarfissat, kinaassutsimik uppernarsaanermut atortut aamma sumiiffimmi IdP pillugit uani paasisaqarnerusinnaavusi:
MitID appi, kodenik nuisitsivik, kodenik atuaasartoq chippilu
Sulisut isernissaannut periarfissaannik aamma kinaassutsimik uppernarsaanermut atortunik atuisinnaanerannik ikkussuineq suliffeqarfimmi aqutsisup naammassippagit aqutsisup “Tullia” ("Næste" qallunatuut) tuussavaa.
Suliffeqarfimmi aqutsisup maanna aalajangissavaa:
- suliffeqarfimmi aqutsisoq nammineeruni imminut sullissivinnut siunissami qanoq isersinnaanissaa
- kinaassutsimik uppernarsaanermut atortoq sorleq suliffeqarfimmi aqutsisumit siunissami atorneqartassanersoq.
Atuaruk “3. Isernissamut periarfissat kinaassutsimillu uppernarsaanermut atortut pillugit paasisaqarnerunissamik pisariaqartitsisoqassappat sulisusi qanoq isertassanersut kinaassutsimillu uppernarsaanermut atortut sorliit atortassaneraat aalajangersiuk".
“Tullia” ("Næste" qallunatuut) tooruk.
Quppernermi “Eqikkaaneq”-mi ("Opsummering" qallunatuut) suliffeqarfiup MitID Erhverv-imi ikkussorneqarnerani suliffeqarfimmi aqutsisumit aalajangerneqarsimasut eqikkarneqarput. Paasissutissat eqqorpata “Ikkussuineq akueriuk” ("Godkend opsætning" qallunatuut) tuussavat.
Qupperneq “Uppernarsaat” ("Kvittering" qallunatuut) ammassaaq. Quppernermi suliffeqarfiup paasissutissaatai MitID Erhverv-imilu aalajangerneqarsimasut eqikkarneqarput.
Suliffeqarfimmi aqutsisoq e-mailimik paasissutissat assinginik imalimmik uppernarsaammik tigusaqassaaq.
Suliffeqarfissi MitID Erhverv-imi ikkussorneqarnerani suliffeqarfissinnit maanna naammassineqarpoq.
Sammisat attuumassuteqartut allat
Suliffeqarfissinnut MitID Erhverv-imut ikkussorneqartumut tulliuttut aamma attuumassuteqarsinnaapput.
MitID Erhverv imannak atussavat
MitID appi, kodenik nuisitsivik, kodenik atuaasartoq chippilu
Sulisusi ass. imaaliornissamut ilitsersorneqarnissamik pisariaqartitsippata:
- MitID Erhverv-imik atuisutut aallartitsinissamut
- MitID Erhverv atorlugu isernissamut.