MitID Erhverv-imut atassusilinnginnermi ingerlatseqatigiiffittut suut pigissanerisi paasiniarsiuk.
ApS, A/S, kommanditselskab, andelsselskab suliffeqarfiillu allat: MitID Erhverv-imut atassusernissamut piareersaritsi
Qupperneq una ukununnga attuumassuteqarpoq:
- ApS, A/S, kommanditselskabit, andelsselskabit ingerlatseqatigiiffiillu allat MitID Erhverv-imut atassuserneqartussat.
Suliffeqarfissi MitID Erhverv-imut atassuseqarneqarnissamut piareerniarlugu imaaliussaasi:
- atassusinnginnermi pissutsit pisariallit tallimat paasineqassapput
- atassusernissamut pisariaqartinneqartut tamaasa piginerisi paasiniassavarsi.
Ingerlatseqatigiiffiit amerlanersaasa MitID Erhverv-eqarnissaq pisariaqartippaat. Kisianni MitID Erhverv-imut atassusissanerlusi uani paasiniarsinnaavarsi:
Suliffeqarfissi MitID Erhverv-imut atassuserneqarnissamik pisariaqartitsivia?
Atassusinnginnermi pissutsit tallimat paasisaqarfigeqqaagassasi
MitID Erhverv-imut atassusilinnginnermi tulliuttut piareersimatissigit:
- Aqutsisunut kina sinniisoraasiuk?
- Atassusiinermik kina aallartitsissava?
- Kina suliffeqarfimmi aqutsisuussava?
- Atassusiinermi peqatigiiffimmut sinniisup peqatigiiffimmi atuuffianut uppernarsaammik ikkussuissavisi?
- Atassusiilinnginnermi MitID Erhverv Support attavigissavisiuk?
Immikkoortut tallimat qulaaniittut itisilerneqarnerat ataani takusinnaavasi. Taakku immikkut tamaasa pillugit paasisaqarnerugitsi suliffeqarfissilu MitID Erhverv-imut atassusernissaata aallartinnissaanut piareersimanissarsi isumagalugu.
MitID Erhverv-imi aqutsisunut sinniisoq tassaavoq suliffeqarfimmik sinniisuusinnaasoq, ass. aqutsisut ilaannit, siulersuisuni siulittaasoq il.il. piginnaatinneqartoq, atsiorsinnaasoq. Aqutsisunut sinniisup MitID Erhverv-imut atassusernissap akuerineqarnissaa suliassaraa.
Ingerlatseqatigiiffissinni aqutsisunut sinniisoq uku arlarissavaa:
- pisortaq
- pisortaqatigiinni imaluunniit siulersuisuni ilaassaaq.
Ingerlatseqatigiiffissi aqutsisunut sinniisumit imaluunniit nalunaaruteqartumit atassuserneqarsinnaavoq:
- Aqutsisunut sinniisoq pisortaasinnaavoq imaluunnit pisortaqatigiinni siulersuisuniluunniit ilaalluni. Aqutsisunut sinniisoq namminerisamik MitID-qarpat inuullu normoqaruni MitID Erhverv-imut atassusiinermik aallartitsisinnaavoq. Taamaanngippat nalunaaruteqartussamik toqqaassaasi.
- Nalunaaruteqartoq tassaavoq aqutsisunut sinniisaanngitsoq suliffeqarfimmeersoq avataaneersorluunniit, ass. sulisoq imaluunniit kukkunersiuisoq. Nalunaaruteqartoq namminerisamik MitID-eqassaaq inuullu normoqarluni.
Suliffeqarfimmi aqutsisup inissitsitigassarai:
- atassusiineq naammassippat ingerlatseqatigiiffissi MitID Erhverv-imut ikkussuunnissai
- sulisut MitID Erhverv-imik qanoq atuisinnaanissaannik inissitsiterinissaq.
Suliffeqarfimmi aqutsisumut piumasaqaataavoq:
- inuup normoqassasoq
- namminerisamik MitID-qassasoq.
Suliffeqarfimmi aqutsisup piumasaqaatit marluk qulaaniittut naammassisinnaanngippagit suliffeqarfissi MitID Erhverv-imut atassuserneqareerpat ikkussorsinnaanngilarsi.
Aqutsisunut sinniisoq imaluunniit nalunaaruteqartoq suliffeqarfimmi aamma aqutsisuusinnaapput piumasaqaatit marluk qulaaniittut naammassisinnaappatigit.
Suliffeqarfimmi aqutsisup ingerlatseqatigiiffimmi atorfeqarnissaa piumasaqaataanngilaq. Taamaammat ass. kukkunersiuisartoq, eqqartuussissuserisoq imaluunniit allaffissornikkut sullissivimmi sulisoq suliffeqarfimmi aqutsisussatut toqqarsinnaavarsi.
Kina suliffeqarfimmi aqutsisuussanersoq aalajangiutereerussiuk taassuma paasissutissaatai tulliuttut piareersassavasi:
- ateq
- e-mailadresse
- ulloq inunngorfik imaluunniit inuup normua.
Suliffeqarfimmi aqutsisutut atuuffik pillugu paasissutissat amerlanerusut uani nassaarisinnaavatit:
MitID Erhverv-imut atassusiinermi ingerlatseqatigiiffimmi aqutsisunut sinniisup atuuffianut uppernarsaammik ingerlatseqatigiiffiit ilai ikkussuisussaapput.
Pissutsit sisamat ataaniittut angersinnaagussigit atassusiinermi uppernersaatinik ikkussuissanngilasi:
- Aqutsisunut sinniisorsi CVR-imi nalunaarsuiffimmi pisortatut, pisortaqatigiinni ilaasutut il.il. taaneqarsimappat.
- Aqutsisunut sinniisorsi ingerlatseqatigiiffik sinnerlu kisiartaalluni atsiorsinnaasutut CVR-imi nalunaarsuiffimmi nalunaarsorneqarsimappat. Imaappoq suliffeqarfik sinnerlugu kisimiilluni isumaqatigiissuteqarsinnaappat.
- Aqutsisunut sinniisorsi namminerisamik MitID-eqarpat inuullu normoqarluni.
- Aqutsisunut sinniisorsi Danmarkimi najugaqartutut inunnik nalunaarsuivimmiippat.
Pissutsit qulaani taaneqartut tamaasa angersinnaanngikkussigit aqutsisunut sinniisup atuuffia pillugu uppernersaat qanoq ittoq pigissanerissi paasiniassavarsi:
Suliffeqarfimmi aqutsisunut sinniisut atuuffiinut uppernarsaat
Ingerlatseqatigiiffissi CVR-imi nalunaarsuiffimmi ujarlugu aqutsisunut sinniisoq atsiorsinnaasorlu pillugit paasissutissat nassaarisinnaavasi:
Atassusiilinnginnermi MitID Erhverv Support ingerlatseqatigiiffiit ilaannit attavigineqartussaavoq. Pissutsit pingasut tulliuttut angersinnaagussigit imaaliussaasi:
- Aqutsisunut sinniisorsi CVR-imi nalunaarsuiffimmi pisortatut, pisortaqatigiinni ilaasutut il.il. taaneqarsimappat.
- Aqutsisunut sinniisorsi ingerlatseqatigiiffik sinnerlu kisiartaalluni atsiorsinnaasutut CVR-imi nalunaarsuiffimmi nalunaarsorneqarsimappat. Imaappoq suliffeqarfik sinnerlugu kisimiilluni isumaqatigiissuteqarsinnaappat.
- Aqutsisunut sinniisorsi namminerisamik MitID-eqanngilaq.
Aqutsisunut sinniisoq imaluunniit nalunaaruteqartoq attaveqarnissamut immersugassaq aqqutigalugu MitID Erhverv Supportimut attaveqassaaq. Immersugassami paasissutissat qulingiluat ataaniittut immersorneqassapput:
- Suliffeqarfiup aqqa
- CVR-normu
- Aqutsisunut sinniisup atia tamaat
- Aqutsisunut sinniisup oqarasuaataata normua
- Aqutsisunut sinniisup e-mailia
- Nalunaaruteqartup atii tamarmik
- Nalunaaruteqartup oqarasuaataata normua
- Nalunaaruteqartup e-mailia
- Aqutsisunut sinniisup namminerisamik MitID-eqannginneranik nalunaarut
Qaqugu qanorlu atassusiinissap aallartinnissaa pillugu MitID Erhverv-imi ilitsersuutit malissavasi.
Atassusiinermi uppernarsaatit tulliuttut ikkussuutissavasi:
- aqutsisunut sinniisup kinaanera passip imaluunniit biilersinnaanermut uppernarsaatip assinga atorlugu Sinniisoq inuup normoqanngippat passip imaluunnit nuna tamakkerlugu kinaanermik uppernarsaatip assinga atorneqassaaq.
- aqutsisunut sinniisup ingerlatseqatigiiffimmi atuuffia.
Aqutsisunut sinniisup ingerlatseqatigiiffimmi atuuffianut uppernarsaat suna nassaarissanerissi paasiniassavarsi:
Suliffeqarfimmi aqutsisunut sinniisut atuuffiinut uppernarsaat
Tulleriiaagassat allattorsimaffiat: Atassusinnginnermi ingerlatseqatigiiffissinni suut piareersimatinneqassappat?
Atassusiinermi aqutsisunut sinniisup ingerlatseqatigiiffimmi atuuffianut uppernarsaammik ikkussuissanngikkussi
Aqutsisunut sinniisup atassusiinermik aallartitsissappat aqutsisunut sinniisup piareersimatissavai:
- Aqutsisunut sinniisup e-mailia.
- Aqutsisunut sinniisup namminerisamik MitID-ia sinniisup kinaaneranik uppernarsaanermut atassusiinermillu akuersinermut atorneqartussaq. Sinniisoq namminerisamik MitID-eqanngippat nalunaaruteqartussamik toqqaassaasi.
- Suliffeqarfimmi aqutsisussi atia, e-mailia inuuialu (imaluunniit inuup normua).
Nalunaaruteqartup atassusiineq aallartissappagu nalunaaruteqartup tulliuttut piareersimatissavai:
- Nalunaaruteqartup e-mailia.
- Aqutsisunut sinniisup e-mailia.
- Nalunaaruteqartup namminerisamik MitID-ia nalunaaruteqartup kinaaneranik uppernarsaanermut atorneqartussaq.
- Aqutsisunut sinniisup namminerisamik MitID-ia atassusiinermik akuersinermut atugassaq.
- Suliffeqarfimmi aqutsisussi atia, e-mailia inuuialu (imaluunniit inuup normua).
Atassusiinermi aqutsisunut sinniisup ingerlatseqatigiiffimmi atuuffianut uppernarsaammik ikkussuissagussi
Aqutsisunut sinniisup atassusiinermik aallartitsissappat aqutsisunut sinniisup piareersimatissavai:
- Aqutsisunut sinniisup e-mailia.
- Aqutsisunut sinniisup namminerisamik MitID-ia sinniisup kinaaneranik uppernarsaanermut atassusiinermillu akuersinermut atorneqartussaq.
- Suliffeqarfimmi aqutsisussi atia, e-mailia inuuialu (imaluunniit inuup normua).
- Ingerlatseqatigiiffimmi aqutsisunut sinniisup atuuffianut uppernarsaat
Nalunaaruteqartup atassusiineq aallartissappagu nalunaaruteqartup tulliuttut piareersimatissavai:
- Nalunaaruteqartup e-mailia.
- Aqutsisunut sinniisup e-mailia.
- Nalunaaruteqartup namminerisamik MitID-ia nalunaaruteqartup kinaaneranik uppernarsaanermut atorneqartussaq.
- Suliffeqarfimmi aqutsisussi atia, e-mailia inuuialu (imaluunniit inuup normua).
- Ingerlatseqatigiiffimmi aqutsisunut sinniisup atuuffianut uppernarsaat.
- Aqutsisunut sinniisup namminerisamik MitID-ia atassusiinermik akuersinermut atugassaq. Aqutsisunut sinniisoq namminerisamik MitID-eqanngippat aqutsisunut sinniisup atassusiinermut isumaqatigiissut pappilissamut atsiorlugu akuerisinnaavaa.
Suliffeqarfissi MitID Erhverv-imut atassusersiuk
MitID Erhverv-imut atassusernissamut piareerpusi. Tuugassaq ataaniittoq “Atassusiineq aallartiguk” tooruk.
Atassusiinermi suut naatsorsuutigineqarnersut tamakkiisumik takorusukkussiuk atassusiineq pillugu allornikkaartumik ilitsersuutit linki ataaniittoq aqqutigalugu misissorsinnaalluarpasi.
Suliffeqarfissi suliffeqarfissuarmut immikkoortortalimmut imaluunniit allaffissornikkut ingerlatseqatigiiffimmut ilaava?
MitID Erhverv-imi aqutsisup ataatsip CVR-normut immikkoortut arlallit tamaasa qanoq aqutarisinnaanerai paasiniarsiuk.
Sammisat attuumassuteqartut allat
Suliffeqarfissinnut MitID Erhverv-imut atassusilersumut tulliuttut aamma attuumassuteqarsinnaapput.
MitID Erhverv-imut atassusernermi apeqqutit akissutillu
Suliffeqarfissi MitID Erhverv-imut atassuserneqarnissamik pisariaqartitsivia?
Suliffeqarfimmi aqutsisunut sinniisut atuuffiinut uppernarsaat
Suliffeqarfissi MitID Erhverv-imut atassusersiuk
Suliffeqarfissi inummit ataatsimit pigineqanngippat suliffeqarfiit allat atassuserneqarnerat pillugu paasisaqarnerusinnaavusi:
Suliffeqarfiit inunnit ataasiakkaanit pigineqartut
Peqatigiiffiit peqatigiiffiillu kajumissutsimik ingerlanneqartut