Suliffeqarfissuarmut immikkoortortalimmut imaluunniit allaffissornikkut ingerlatseqatigiiffimmut ilaagussi suliffeqarfissi qanoq ililluni MitID Erhverv-imut atassuserneqarsinnaava atuisuulluniluunniit?

Qupperneq una ukununnga attuumassuteqarpoq:

• suliffeqarfissuit immikkoortortallit namminerisamik CVR-normulinnik piginneqatigiiffeqarpata
• suliffeqarfiit allat suliffeqarfinnik arlalinnik namminerisamik CVR-normulinnik, soorlu allaffissornikkut ingerlatseqatigiiffinnik aqutsisussat.

MitID Erhverv atorlugu suliffeqarfimmi sulisut suliffeqarfik arlallilluunniit, qanorluunniit suliffeqarfiit assigiinngitsunik CVR-normoqaraluarpata, sinnerlugit digitalimik iliuuseqarsinnaapput. Ass. suliffissuarmi immikkoortortalimmi CVR-normut arlaliupput.

CVR-normut akornanni allaffissornermik tamanna oqilisaasinnaavoq, ass. suliffeqarfissuarmi immikkoortortalimmi naatsorsuutinik suliaqartoq arlallilluunniit suliffissuaq immikkoortortalik tamaat sinnerlugu imminut sullissivimmi utertitsinissamik noqqaassuteqarsinnaassalluni/tik.

suliffeqarfimmi sulisut MitID Erhverv-imi suliffeqarfik alla sinnerlugu digitalimik iliuuseqarsinnaapput pisaatsit pingasut ilaat atorlugu:

• Suliffeqarfiit akornanni suliffeqarfimmi aqutsisumik ataatsimik toqqaanikkut
• Inuussutissarsiuteqartunut pisinnaatitsissutinik tunniussinikkut tigusaqarnikkulluunnit
• Lokal IdM atorlugu NemLog-ins IdM API-mik atuinikkut

Lokal IdP pillugu paasisaqarnerugit

Lokal IdM

Periaatsimik sorlermik atuinissassinnik qanorluunniit toqqaagaluarussi MitID Erhverv-imut atassusiineq CVR-normunut ataasiakkaanut piuaannarpoq. Taamaammat suliffeqarfiit arlallit immikkut CVR-normullit suliffeqarfittut ataatsitut atassuserneqarsinnaanngillat. Ass. suliffeqarfissuarmi immikkoortortalimmi suliffeqarfiit pigisat ataatsikkut atassuserneqarsinnaanngillat.

Suliffeqarfiit akornanni suliffeqarfimmi aqutsisoq ataaseq

Suliffeqarfiutisi MitID Erhverv-imi suliffeqarfimmi aqutsisumik ataatsimik toqqaasinnaapput, aamma toqqarneqartut CVR-normumut allamut atagaluarpat. Suliffeqarfimmi aqutsisup suliffeqarfiit taassuminnga suliffeqarfimmi aqutsisoqarniarlutik toqqaasimasut tamaasa sinnerlugit digitalimik iliuuseqarsinnaassaaq.

MitID Erhverv-imi suliffeqarfimmik aqutsisutut atuuffik pillugu paasisaqarnerugit:

Atuuffiit

Suliffeqarfimmi aqutsisutut toqqarneqartup pigissavai:

• namminerisamik MitID
• inuup normoqassasoq

Suliffeqarfimmi aqutsisup suliffeqarfiit tamaasa pilersinnissai akisussaaffigaa. Ikkussuinermi aqutsisup MitID Erhverv-imut qanoq isersinnaanissaa suliffeqarfimmi aqutsisup toqqassavaa. Suliffeqarfiit arlallit sinnerlugit iliuuseqarnissat ajornannginnerulersinniarlugu aqutsisup MitID Erhverv-imut iseriaatsit tulliuttut ilaannik toqqaalluarsinnaavoq:

• Namminerisamik inuttut MitID atorlugu. Aqutsisup MitID-imi atuisutut ID-ni taanna allassavaa imminut sullissivimmi nammineq inuttut iserniaruni imaluunniit suliffeqarfiit sinnerlugit digitalimik iliuuseqarniaruni.
• Suliffeqarfiit ilaanni aqutsisoq ass. suliffeqarfik piginnittoq sinnerlugu digitalimik iliuuseqartarnissaanut immikkut MitID-mik pilersitsigit. Suliffeqarfimmi aqutsisup suliffeqarfiit allat MitID Erhverv-imi ikkussuuppagit suliffeqarfinni allani kinaanermik uppernarsaanermut atortunik assigiinnik atuisinnaaneq MitID Erhverv-ip inissitsiteriviini toqqarneqassaaq. Taamaalilluni suliffeqarfimmi aqutsisoq ataatsimik immikkut MitID-qalissaaq suliffeqarfiit tamaasa sinnerlugit iliuuseqarnissamut atorneqarsinnaasumik.

Suliffeqarfissi MitID Erhverv-imi ikkussorsiuk

Isernissamut periarfissat

Inuussutissarsiuteqartunut piginnaatitsissutit

Inuussutissarsiuteqartunut piginnaatitsissuteqarluni suliffeqarfissi suliffeqarfik allamik CVR-normoqartoq suliffeqarfissi sinnerlugu isersinnaalersinneqarsinnaavoq imaluunniit digitalimik sinnerlusi iliuuseqarluni. Ass. sulisut suliffissuarmi immikkoortortalimmi qitiusumik atuuffeqartut suliffissuarmi immikkoortortalimmi suliffeqarfiit allat tamaasa sinnerlugit nalunaaruteqarsinnaassapput.

MitID Erhverv-imi inuussutissarsiuteqartunut piginnaatitsissutinik pillersitsigussi suliassaq suliassalluunniit suliffeqarfimmi allami sulisunit suliarineqartartussat MitID Erhverv-imi piginnaatitsissutit allattorsimaffianniinnissaat piumasaqaataavoq.

Ass. suliffeqarfissuarmi immikkoortortalimmi ingerlatseqatigiiffiit ataasiakkaat ingerlatseqatigiiffimmut suliffissuarmi immikkoortortalimmi aaqqissuussaanikkut attuumassutilimmik inissisimaffeqartumut inuussutissarsiuteqartunut piginnaatitsissummik pilersitsisimassaaq. Taanna tassaasinnaavoq ingerlatseqatigiiffik piginnittoq.

Inuussutissarsiuteqartunut piginnaatitsissut pilersinneqareerpat ingerlatseqatigiiffimmi piginnittumi piginnaatitaaffinnut sulisup inuussutissarsiuteqartunut piginnaatitsissut sulisunut suliamik arlalinnilluunniit piginnaatitsissummi ilaatinneqartunik suliaqartussanut atassusissavaa.

Ingerlatseqatigiiffimmi piginnittumi sulisunut inuussutissarsiuteqartunut piginnaatitsissummik aamma pilersitsisoqarsinnaavoq.

Inuussutissarsiuteqartunut piginnaatitsissutinik atuinerup iluaqutissartaraa suliffeqarfinni ataasiakkaani atuisunik pilersitsinissaq aqutsinissarlu pinngitsoortinneqassammata. Suliffeqarfimmi aqutsisup aallaqqaataani ikkussuiinnassaaq.

MitID Erhverv-imi inuussutissarsiuteqartunut piginnaatitsissutit pillugit ilitsersuutit:

Inuussutissarsiuteqartunut pisinnaatitsissutit ass. kukkunersiuisumit ikiorneqarnissamik pisariaqartitsigussi

Lokal IdM aqqutsigalugu aqutsineq

MitID Erhverv-imi atisunik aqutsinani sumiiffimmi IdM-system (local identity management system) aqqutsigalugu aamma aqutsisoqarsinnaavoq. Nammineq allaffissornikkut systemissinnik taava atuisinnaassaasi.

Lokal IdP pillugu paasisaqarnerugit:

Lokal IdM