MitID Erhverv-imut atassusernissap aallartinnginnerani peqatigiiffissi imaluunniit kajumissutsimik peqatigiiffissi suut piareersimatissaneraa paasisiuk.
Peqatigiiffiit peqatigiiffiillu kajumissutsimik ingerlanneqartut: MitID Erhverv-imut atassusernissamut piareersaritsi
Qupperneq una ukununnga attuumassuteqarpoq:
- peqatigiiffinnut imaluunniit kajumissutsimik peqatigiiffinnut MitID Erhverv-imut atassusertussanut.
Suliffeqarfissi MitID Erhverv-imut atassuseqarneqarnissamut piareerniarlugu imaaliussaasi:
- atassusinnginnermi pissutsit pisariallit sisamat paasineqassapput
- atassusernissamut pisariaqartinneqartut tamaasa piginerisi paasiniassavarsi.
MitID Erhverv-imut atassusissanerlusi nalugussiuk uani paasisinnaavarsi:
Suliffeqarfissi MitID Erhverv-imut atassuserneqarnissamik pisariaqartitsivia?
Pissutsit sisamat MitID Erhverv-imut atassusinnginnermi peqatigiiffissi imaluunniit kajumissutsimik peqatigiiffissi paasisimasassaat
Peqatigiiffissi MitID Erhverv-imut atassusinnginnerani tulliuttut paasisaqarfigissavasi:
- Peqatigiiffimmut sinniisorsi CVR-imi nalunaarsuiffimmiippa?
- Peqatigiiffimmut sinniisorsi namminerisamik MitID-eqarpa?
- Atassusiinermik kina aallartitsissava?
- Kina suliffeqarfimmi aqutsisuussava?
Pissutsit sisamat taakku immikkut ataani paasisaqarfiginerusinnaavasi.
Peqatigiiffimmi sinniisoq ass. siulittaasuusinnaavoq, siulersuisuni ilaasortaq alla imaluunniit peqatigiiffimmi aningaaserisoq CVR-imi nalunaarsorneqarsimasoq.
Malugiuk, peqatigiiffimmi sinniisumik CVR-imi nalunaarsuiffimmut nalunaarsuisoqassanersoq nammineq aalajangertussaavoq.
Peqatigiiffissi CVR-imi nalunaarsuiffimmi ujarsiuk nalunaarsorneqarsimasumik peqatigiiffimmut sinniisoqarnersoq paasiniarlugu. “Peqatigiiffimmut sinniisoq” misissorlugu taamaaliorsinnaavusi. Amigaataappat peqatigiiffimmut sinniisoqanngilaq.
CVR - Qitiusumik suliffeqarfinnik nalunaarsuivik
Peqatigiiffimmut sinniisumik CVR-imi allattorsimaffimmut nalunaarsuerusukkussi ilitsersuut tulliuttoq atorsinnaavarsi. Malugiuk, sinniisup aqqa najugaalu CVR.dk-mi saqqummiunneqartarmata.
Virk-imi CVR-imut peqatigiiffimmut sinniisoq imannak nalunaarsussavat (pdf) (qallunaatut)
Peqatigiiffimmut sinniisoq CVR-imi nalunaarsuiffimmiinngippat nalunaarsorneqarsinnaanngippallu MitID Erhverv-imut atassusiinermi peqatigiiffimmut sinniisup peqatigiiffimmi atuuffianut uppernarsaammik ikkussuissaasi. Uppernarsaat suna ikkussorneqartussaaneranik paasissutissat nassaarisiuk:
Suliffeqarfimmi aqutsisunut sinniisut atuuffiinut uppernarsaat
Peqatigiiffimmi sinniisoq nalunaarsorneqarsimappat namminerisamilli MitID-eqarani atassusiinissaq sioqqullugu immikkut periuseq malissavarsi. Periuseq immikkoortumi quppernermi matumani allerpaamiittumi nassuiarneqarpoq:
Peqatigiiffimmut sinniisoq namminerisamik MitID-eqanngippat CVR-imili nalunaarsorneqarsimalluni
Nassuiaat una peqatigiiffinnut kisimi atuuppoq peqatigiiffimmut sinniisoq CVR-imi nalunaarsorneqarsimappat.
Peqatigiiffimmi sinniisoq CVR-imi nalunaarsorneqarsimappat namminerisamilli MitID-eqarani atassusiinissaq sioqqullugu immikkut periuseq malissavarsi. Periuseq immikkoortumi quppernermi matumani allerpaamiittumi nassuiarneqarpoq:
Peqatigiiffimmut sinniisoq namminerisamik MitID-eqanngippat CVR-imili nalunaarsorneqarsimalluni
Inuit marluk tulliuttut arlaat sorleq MitID Erhverv-imut atassusiinermik aallartitsissanersoq peqatigiiffissinni toqqarneqassaaq:
- Peqatigiiffimmut sinniisoq: Peqatigiiffimmut sinniisoq inuup normoqarpat namminerisamillu MitID-qarpat aatsaat atassusiinermik aallartitsisinnaavoq.
- Nalunaaruteqartoq: Nalunaaruteqartoq peqatigiiffimmut sinniisaanngilaq. Nalunaaruteqartoq peqatigiiffimmeersinnaavoq avataaneerluniluunniit, ass. peqatigiiffimmi ilaasortaq imaluunniit kukkunersiuisartoq. Nalunaaruteqartoq namminerisamik MitID-eqassaaq inuullu normoqarluni.
Suliffeqarfimmi aqutsisup ikkussuinissaq suliassaraa:
- atassusiineq naammassippat peqatigiiffissi MitID Erhverv-imut ikkussussavaa
- peqatigiiffimmi ilaasortat MitID Erhverv-imik qanoq atuisinnaanissaat inissitsitissavai.
Suliffeqarfimmi aqutsisumut piumasaqaataavoq:
- Inuup normoqassasoq
- namminerisamik MitID-qassasoq.
Suliffeqarfimmi aqutsisup piumasaqaatit marluk qulaaniittut naammassisinnaanngippagit peqatigiiffissi MitID Erhverv-imut atassuserneqareerpat ikkussorsinnaanngilarsi.
Peqatigiiffimmi sinniisoq imaluunniit nalunaaruteqartoq suliffeqarfimmi aamma aqutsisuusinnaapput piumasaqaatit marluk qulaaniittut naammassisinnaappatigit.
Suliffeqarfimmi aqutsisup peqatigiiffimmi atorfeqarnissaa/ilaasortaanissaa piumasaqaataanngilaq. Taamaammat ass. kukkunersiuisartoq, eqqartuussissuserisoq imaluunniit allaffissornikkut sullissivimmi sulisoq suliffeqarfimmi aqutsisussatut toqqarsinnaavarsi.
Kina suliffeqarfimmi aqutsisuussanersoq aalajangiutereerussiuk aqutsisumit pigissavasi:
- ateq
- e-mailadresse
- ulloq inunngorfik imaluunniit inuup normua.
Suliffeqarfimmi aqutsisutut atuuffik pillugu paasissutissat amerlanerusut uani nassaarisinnaavatit:
Tulleriiaagassat allattorsimaffiat: Atassusinnginnermi peqatigiiffissinni suut piareersimatinneqassappat?
Peqatigiiffik peqatigiiffimmut sinniisup peqatigiiffimmi atuuffianut uppernarsaammik ikkussuissanngippat
Peqatigiiffimmut sinniisup atassusiinermik allartitsissappat peqatigiiffimmut sinniisup piareersimatissavai:
- Peqatigiiffimmi sinniisup e-mailia.
- Peqatigiiffimmut sinniisup namminerisamik MitID-ia sinniisup kinaaneranik uppernarsaanermut atassusiinermillu akuersinermut atorneqartussaq. Sinniisoq namminerisamik MitID-eqanngippat nalunaaruteqartussamik toqqaassaasi.
- MitID Erhverv-imi suliffeqarfimmi aqutsisussi atia, e-mailia inuuialu (imaluunniit inuup normua).
Nalunaaruteqartup atassusiineq aallartissappagu nalunaaruteqartup tulliuttut piareersimatissavai:
- Nalunaaruteqartup e-mailia.
- Peqatigiiffimmi sinniisup e-mailia.
- Nalunaaruteqartup namminerisamik MitID-ia nalunaaruteqartup kinaaneranik uppernarsaanermut atorneqartussaq.
- MitID Erhverv-imi suliffeqarfimmi aqutsisussi atia, e-mailia inuuialu (imaluunniit inuup normua).
Atassusiinermi peqatigiiffimmut sinniisup peqatigiiffimmi atuuffianut uppernarsaammik ikkussuissagussi
Uppernarsaammik ikkusuissanerlusi nalornigigussiuk qulaaniittoq atuaqqissinnaavarsi “1. Peqatigiiffimmut sinniisorsi CVR-imi nalunaarsuiffimmiippa?”.
Peqatigiiffimmut sinniisup atassusiinermik allartitsissappat peqatigiiffimmut sinniisup piareersimatissavai:
- Peqatigiiffimmi sinniisup e-mailia.
- Peqatigiiffimmut sinniisup namminerisamik MitID-ia sinniisup kinaaneranik uppernarsaanermut atassusiinermillu akuersinermut atorneqartussaq. Malugiuk, peqatigiiffimmut sinniisoq namminerisamik MitID-eqanngippat, peqatigiiffimmulli sinniisutut CVR-imi nalunaarsorneqarsimappat immikkut periuseq malittussaagassiuk Taamaappat immikkoortoq ataaniittoq “Peqatigiiffimmut sinniisoq namminerisamik MitID-eqanngippat CVR-imili nalunaarsorneqarsimalluni” atuassavarsi.
- Peqatigiiffimmut sinniisup peqatigiiffimmi atuuffianut uppernarsaat atassusiinermi ikkussorneqartussaq.
- MitID Erhverv-imi suliffeqarfimmi aqutsisussi atia, e-mailia inuuialu (imaluunniit inuup normua).
Nalunaaruteqartup atassusiineq aallartissappagu nalunaaruteqartup tulliuttut piareersimatissavai:
- Nalunaaruteqartup nammineq e-mailia.
- Peqatigiiffimmi sinniisup e-mailia.
- Nalunaaruteqartup namminerisamik MitID-ia nalunaaruteqartup kinaaneranik uppernarsaanermut atorneqartussaq.
- MitID Erhverv-imi suliffeqarfimmi aqutsisussi atia, e-mailia inuuialu (imaluunniit inuup normua).
- Peqatigiiffimmut sinniisup namminerisamik MitID-ia MitID Erhverv-imut atassusiinermik akuersinermut atugassaq. Peqatigiiffimmut sinniisoq namminerisamik MitID-eqanngippat sinniisup atassusiinermut isumaqatigiissut pappilissamut atsiorlugu akuerisinnaavaa. Peqatigiiffimmut sinniisoq namminerisamik MitID-eqanngippat CVR-imili nalunaarsorneqarsimalluni immikkut periuseeq malissavarsi. Taamaappat immikkoortoq ataaniittoq “Peqatigiiffimmut sinniisoq namminerisamik MitID-eqanngippat CVR-imili nalunaarsorneqarsimalluni” atuassavarsi.
Peqatigiiffimmut sinniisoq namminerisamik MitID-eqanngippat CVR-imili nalunaarsorneqarsimalluni
Peqatigiiffimmut sinniisoq namminerisamik MitID-eqanngippat CVR-imili nalunaarsorneqarsimalluni nalunaaruteqartup atassusiineq piareersassavaa. Nalunaaruteqartoq peqatigiiffimmeersuusinnaavoq avataaneersuulluniluunniit, ass. peqatigiiffimmi ilaasortaq imaluunniit kukkunersiuisoq. Nalunaaruteqartoq namminerisamik MitID-eqassaaq inuullu normoqarluni.
Peqatigiiffimmut sinniisoq nalunaaruteqartussamik toqqaappat atassusiinnginnermi alloriarnissat pingasut tulliuttut ingerlatissavasi:
Peqatigiiffimmut sinniisoq imaluunniit nalunaaruteqartoq MitID Erhverv Supportimut attaveqarnissamut immersugassaq aqqutigalugu attaveqassaaq. Paasissutissat tulliuttut qulingiluat ilisimatitsissutigissavasi:
- Peqatigiiffiup aqqa
- CVR-normu
- Peqatigiiffimmi sinniisup atia tamaat
- Peqatigiiffimmi sinniisup oqarasuaataata normua
- Peqatigiiffimmi sinniisup e-mailia
- Nalunaaruteqartup atii tamarmik
- Nalunaaruteqartup oqarasuaataata normua
- Nalunaaruteqartup e-mailia
- Peqatigiiffimmi sinniisup namminerisamik MitID-eqannginneranik nalunaarut
Atassusiinissaq aallartinniarlugu MitID Erhverv Supportimit ilitsersuutit malissavasi.
Atassusiinermi peqatigiiffimmut sinniisup peqatigiiffimmut atassuteqarneranut uppernarsaammik ikkussuissaasi.
Uppernarsaat suna ikkussorneqartussaaneranik paasissutissat nassaarisiuk:
Suliffeqarfimmi aqutsisunut sinniisut atuuffiinut uppernarsaat
MitID Erhverv-imut atassusernissaq naammassiniarlugu nalunaaruteqartussap tulliuttut piareersimatissavai:
- Nalunaaruteqartup e-mailia
- Peqatigiiffimmi sinniisup e-mailia
- Nalunaaruteqartup namminerisamik MitID-ia nalunaaruteqartup kinaaneranik uppernarsaanermut atorneqartussaq
- Suliffeqarfimmi aqutsisussap atia, e-mailia inuuialu (imaluunniit inuup normua).
Peqatigiiffik MitID Erhverv-imut atassusersiuk
MitID Erhverv-imut atassusernissamut piareerpusi. Tuugassaq “Suliffeqarfissi atassusissavat” ataaniittoq tooruk.
Atassusiinermi suut naatsorsuutigineqarnersut tamakkiisumik takorusukkussiuk atassusiineq pillugu allornikkaartumik ilitsersuutit linki ataaniittoq aqqutigalugu misissorsinnaalluarpasi.
Sammisat attuumassuteqartut allat
Suliffeqarfissinnut MitID Erhverv-imut atassusilersumut tulliuttut aamma attuumassuteqarsinnaapput.
Suliffeqarfissi MitID Erhverv-imut atassuserneqarnissamik pisariaqartitsivia?
Suliffeqarfimmi aqutsisunut sinniisut atuuffiinut uppernarsaat
Suliffeqarfissi MitID Erhverv-imut atassusersiuk
Suliffeqarfissi inummit ataatsimit pigineqanngippat suliffeqarfiit allat atassuserneqarnerat pillugu paasisaqarnerusinnaavusi:
Suliffeqarfiit inunnit ataasiakkaanit pigineqartut
ApS, A/S, kommanditselskab, andelsselskab og andre selskaber