Suliffeqarfissi inummit ataatsimit pineqartoq MitID Erhverv-imut atassusilinnginnermi sunik piareersimatitsissanersoq paasisiuk.
Suliffeqarfiit inunnit ataasiakkaanit pigineqartut: MitID Erhverv-imut atassusernissamut piareersaritsi
Qupperneq una ukununnga attuumassuteqarpoq:
- suliffeqarfiit inunnit ataasiakkaanit pigineqartut MitID Erhverv-imut atassuserneqartussat.
Suliffeqarfiit inunnit ataasiakkaanit pigineqartut amerlanerpaartaat MitID Erhverv-imut atassuserneqassanngillat. Suliffeqarfik inummit ataatsimit pigineqartoq MitID Erhverv-imut atassuserneqartariaqanngilaq piginnittoq kisimiilluni suliffeqarfik sinnerlugu digitalimik iliuuseqartartussaappat, ass. Digitalimik Allakkat (ass. e-Boks) atuarnissaannut.
Suliffeqarfik inummit ataatsimit pigineqartoq MitID Erhverv-imut atassuserneqarnissamut piareersarniarlugu:
- atassusinnginnermi pissutsit pisariallit marluk paasineqassapput
- atassusernissamut pisariaqartinneqartut tamaasa piginerisi paasiniassavarsi.
Piginnittoq namminerisamik MitID-qanngippat immikkut periuserineqartut
Piginnittoq namminerisamik MitID-qanngippat immikkut periuserineqartut malissavasi. Suliffeqarfissi taamaappat qanoq iliussanersoq paasisaqarfiginerusiuk:
Atassusinnginnermi pissutsit marluk paasisaqarfigeqqaagassasi
Suliffeqarfissi MitID Erhverv-imut atassusinnginnerani tulliuttut paasisaqarfigissavasi:
- Atassusiinermik kina aallartitsissava?
- Kina suliffeqarfimmi aqutsisuussava?
Suut paasisaqarfigissanerisi immikkoortuni ataaniittuni paasisaqarfiginerusiuk.
Inuit marluk tulliuttut arlaat sorleq MitID Erhverv-imut atassusiinermik aallartitsissanersoq suliffeqarfissinnit toqqarneqassaaq:
- Suliffeqarfimmik piginnittoq, suliffeqarfissinni MitID Erhverv-imi aqutsisunut sinniisaasoq: Piginnittoq (aqutsisunut sinniisoq) namminerisamik MitID-qarpat atassusiinermik aallartitsisinnaavoq.
- Nalunaaruteqartoq: Inuk alla piginnittuunngitsoq (aqutsisinut sinniisoq) qanorluunniit inuk taanna suliffeqarfimmeerpat avataaneerpalluunniit. Assersuutigalugu suliffeqarfimmi allaffissornikkut suliaqartuusinnaavoq imaluunniit kukkunersiuisartoq. Nalunaaruteqartoq namminerisamik MitID-eqassaaq inuullu normoqarluni.
Suliffeqarfimmi aqutsisup ikkussuinissaq suliassaraa:
- atassusiineq naammassippat suliffeqarfissi MitID Erhverv-imut ikkussussavaa
- sulisut MitID Erhverv-imik qanoq atuisinnaanissaat inissitsitissavai.
Suliffeqarfimmi aqutsisumut piumasaqaataavoq:
- danskisut CPR-normoqarnissaa
- namminerisamik MitID-qassasoq.
Suliffeqarfimmi aqutsisup piumasaqaatit marluk qulaaniittut naammassisinnaanngippagit suliffeqarfissi MitID Erhverv-imut atassuserneqareerpat ikkussorsinnaanngilarsi.
Piginnittoq (aqutsisunut sinniisoq) imaluunniit nalunaaruteqartoq suliffeqarfimmi aamma aqutsisuusinnaapput piumasaqaatit marluk qulaaniittut naammassisinnaappatigit.
Suliffeqarfimmi aqutsisup ingerlatseqatigiiffimmi atorfeqarnissaa piumasaqaataanngilaq. Taamaammat ass. kukkunersiuisartoq, eqqartuussissuserisoq imaluunniit allaffissornikkut sullissivimmi sulisoq suliffeqarfimmi aqutsisussatut toqqarsinnaavarsi.
Kina suliffeqarfimmi aqutsisuussanersoq aalajangiutereerussiuk aqutsisumit pigissavasi:
- ateq
- e-mailadresse
- ulloq inunngorfik imaluunniit inuup normua.
Suliffeqarfimmi aqutsisutut atuuffik pillugu paasissutissat amerlanerusut uani nassaarisinnaavatit:
Tulleriiaagassat allattorsimaffiat: Atassusinnginnermi suliffeqarfissinni suut piareersimatinneqassappat
Piginnittoq (aqutsisunut sinniisoq) MitID Erhverv-imut atassusiineq nammineq aallartippagu
MitID Erhverv-imut atassusernissaq naammassiniarlugu piginnittup (aqutsisunut sinniisoq) sisamat piareersimatissavai:
- Suliffeqarfiup CVR-imi normua.
- Piginnittup (aqutsinut sinniisoq) e-mailia.
- Piginnittup (aqutsisunut sinniisoq) namminerisamik MitID-ia piginnittup kinaaneranik uppernarsaanermut atassusiinermillu akuersinermut atorneqartussaq. Malugiuk, piginnittoq namminerisamik MitID-qanngippat immikkut periuserineqartut malissavasi. Taamaassimappat immikkoortoq “Piginnittoq namminerisamik MItID-eqanngippat” ataaniittoq atuassavarsi.
- MitID Erhverv-imi suliffeqarfimmi aqutsisussi atia, e-mailia inuuialu (imaluunniit inuup normua).
Piginnittoq (aqutsisunut sinniisoq) MitID Erhverv-imut atassusiinermik aallartitsinissamut nalunaaruteqartussamik toqqaappat
MitID Erhverv-imut atassusernissaq naammassiniarlugu nalunaaruteqartussap arfinillit piareersimatissavai:
- Suliffeqarfiup CVR-imi normua.
- Nalunaaruteqartup e-mailia.
- Piginnittup (aqutsinut sinniisoq) e-mailia.
- Nalunaaruteqartup namminerisamik MitID-ia. Namminerisamik MitID atassusiinermi kinaanermik uppernarsaanermut atorneqassaaq.
- Piginnittup namminerisamik MitID-ia atassusiinermik akuersinermut atugassaq. Piginnittoq namminerisamik MitID-eqanngippat immikkoortoq “Piginnittoq namminersiamik MitID-eqanngippat” ataaniittoq atuarneqassaaq.
- Suliffeqarfimmi aqutsisussi atia, e-mailia inuuialu (imaluunniit inuup normua).
Piginnittoq namminerisamik MitID-eqanngippat
Piginnittoq (aqutsisunut sinniisoq) namminerisamik MitID-eqanngippat MitID Erhverv-imut atassusiineq aallartitsisussamik allamik toqqaajuaannassaaq. Inuk taanna piginnittumit toqqarneqartoq nalunaaruteqartumik taaneqartarpoq. Nalunaaruteqartoq suliffeqarfimmit inummit ataatsimit pigineqartumeersuusinnaavoq avataaneersuulluniluunniit, ass. suliffeqarfimmi allaffissornermik suliaqartoq imaluunniit kukkunersiuisartoq.
Piginnittoq (aqutsisunut sinniisoq) nalunaaruteqartussamik toqqaappat atassusiinnginnermi alloriarnissat pingasut tulliuttut ingerlatissavasi:
Piginnittoq (aqutsisunut sinniisoq) imaluunniit nalunaaruteqartoq MitID Erhverv Supportimut attaveqarnissamut immersugassaq aqqutigalugu attaveqassaaq. Paasissutissat tulliuttut qulingiluat ilisimatitsissutigissavasi:
- Suliffeqarfiup inummit ataatsimit pigineqartup aqqa
- Suliffeqarfiup inummit ataatsimit pigineqartup CVR-imi normua
- Piginnittup (aqutsinut sinniisoq) atia tamaat
- Piginnittup (aqutsisunut sinniisoq) oqarasuaataata normua
- Piginnittup (aqutsisunut sinniisoq) e-mailia
- Nalunaaruteqartup atii tamarmik
- Nalunaaruteqartup oqarasuaataata normua
- Nalunaaruteqartup e-mailia
- Piginnittup namminerisamik MitID-eqannginneranik nalunaarut
MitID Erhverv-imut atassuserniarlusi MitID Erhverv Supportimit ilitsersuutit malissigit.
MitID Erhverv-imut atassusernermi piginnittup (aqutsisunut sinniisoq) kinaaneranik uppernarsaat suliffeqarfimmilu atuuffia ikkussuutissavasi. Taamaammat piareersimatissavasi:
- piginnittup kinaaneranut uppernarsaat, ass. passip imaluunniit biilersinnaanermut uppernarsaatip assinga
- piginnittup suliffeqarfimmut attuumassuteqarneranut uppernarsaat, ass.:
- atorfininnermut isumaqatigiissut/allagaq
- aningaasarsiat allagartaat
- sulisup atorfianut uppernarsaat alla (ass. pisortatut isumaqatigiissut)
- URL (link) suliffeqarfiup nittartagaanut, tassani aqutsisut takuneqarsinnaassallutik.
MitID Erhverv-imut atassusernissaq naammassiniarlugu nalunaaruteqartussap tulliuttut piareersimatissavai:
- Suliffeqarfiup CVR-imi normua.
- Nalunaaruteqartup e-mailia.
- Piginnittup (aqutsinut sinniisoq) e-mailia.
- Nalunaaruteqartup namminerisamik MitID-ia nalunaaruteqartup kinaanera uppernarsarniarlugu.
- MitID Erhverv-imi suliffeqarfimmi aqutsisussi atia, e-mailia inuuialu (imaluunniit inuup normua).
MitID Erhverv-imi suliffeqarfimmik aqutsisutut atuuffik pillugu paasisaqarnerugit:
Suliffeqarfik inummit ataatsimit pigineqartoq MitID Erhverv-imut atassusersiuk
MitID Erhverv-imut atassusernissamut piareerpusi. Tuugassaq “MitID Erhverv: Suliffeqarfissi atassusissavat” ataaniittoq tooruk.
Atassusiinermi suut naatsorsuutigineqarnersut tamakkiisumik takorusukkussiuk atassusiineq pillugu allornikkaartumik ilitsersuutit linki ataaniittoq aqqutigalugu misissorsinnaalluarpasi.
Sammisat attuumassuteqartut allat
Suliffeqarfissinnut MitID Erhverv-imut atassusilersumut tulliuttut aamma attuumassuteqarsinnaapput.
MitID Erhverv-imut atassusernermi apeqqutit akissutillu
Suliffeqarfissi MitID Erhverv-imut atassuserneqarnissamik pisariaqartitsivia?
Suliffeqarfissi MitID Erhverv-imut atassusersiuk
Suliffeqarfissi inummit ataatsimit pigineqanngippat suliffeqarfiit allat atassuserneqarnerat pillugu paasisaqarnerusinnaavusi:
ApS, A/S, kommanditselskab, andelsselskab suliffeqarfiillu allat
Peqatigiiffiit peqatigiiffiillu kajumissutsimik ingerlanneqartut