Suliffeqarfissi ass. aningaasaateqarfiuppat, pisortani oqartussaqarfiuppat, nunani allani suliffeqarfiuppat il.il. MitID Erhverv-imut atassusiinermi suliffeqarfissinnit suut piareersimatinneqassanersut paasiuk.
Suliffeqarfiit suussusaat allat: MitID Erhverv-imut atassusernissamut piareersarneq
Qupperneq una ukununnga attuumassuteqarpoq:
- suliffeqarfinnut ukuunngitsunut:
- peqatigiiffiit imaluunniit kajumissutsimik peqatigiiffit
- suliffeqarfiit inunnit ataasiakkaanit pigineqartut
- ApS, A/S, kommanditselskabit, andelsselskabit, ingerlatseqatigiiffiit aallarnisaasut, ingerlatseqatigiiffiit killilimmik akisussaaffeqartut il.il.
Suliffeqarfiit kategoriimi tassaniittut aallaaviatigut MitID Erhverv-imut atassuserneqartariaqarput.
Suliffeqarfissi MitID Erhverv-imut atassuseqarneqarnissamut piareerniarlugu imaaliussaasi:
- atassusinnginnermi pissutsit pisariallit paasineqarnissaat. Pissutsit sisamat paasisaqarfigissavasi.
- atassusernissamut pisariaqartinneqartut tamaasa piginerisi paasiniassavarsi.
Atassusinnginnermi pissutsit sisamat paasisaqarfigeqqaagassasi
Suliffeqarfissi MitID Erhverv-imut atassusilinnginnerani tulliuttut piareersimatissigit:
- Aqutsisunut kina sinniisoraasiuk?
- Atassusiinermik kina aallartitsissava?
- Kina suliffeqarfimmi aqutsisuussava?
- Atassusiinermi aqutsisunut sinniisup suliffeqarfimmi atuuffianut uppernarsaatit suut ikkussuutissavavut?
MitID Erhverv-imi aqutsisunut sinniisoq tassaavoq suliffeqarfimmik sinniisuusinnaasoq. Taanna tassaasinnaavoq piginnaatinneqartoq, atsiorsinnaasoq, aqutsisunut ilaasoq, siulersuisuni siulittaasoq il.il.
Aqutsisunut sinniisup ass. MitID Erhverv-imut atassusiinermik akuersisussaavoq.
Suliffeqarfissi suussusaa kina aqutsisunut sinniisuuneranut aalajangiisuuvoq. Uani paasisinnaavarsi:
Suliffeqarfimmi aqutsisunut sinniisut atuuffiinut uppernarsaat
Inuit marluk tulliuttut arlaat MitID Erhverv-imut atassusiinermik aallartitsisussatut suliffeqarfissinnit toqqarneqarsinnaavoq:
- Aqutsisunut sinniisoq Aqutsisunut sinniisoq namminerisamik MitID-qarpat inuullu normoqarpat aatsaat atassusiinermik aallartitsisinnaavoq. Taamaanngippat nalunaaruteqartussamik toqqaassaasi.
- Nalunaaruteqartoq: Nalunaaruteqartoq tassaavoq aqutsisunut sinniisaanngitsoq suliffeqarfimmeersoq avataaneersorluunniit. Assersuutigalugu suliffeqarfimmi allaffissornikkut suliaqartuusinnaavoq imaluunniit kukkunersiuisartoq. Nalunaaruteqartoq namminerisamik MitID-eqassaaq inuullu normoqarluni.
Suliffeqarfimmi aqutsisup ikkussuinissaq suliassaraa:
- atassusiineq naammassippat suliffeqarfissi MitID Erhverv-imut ikkussuunnissaa
- sulisut MitID Erhverv-imik qanoq atuisinnaanissaat inissitsitissavai.
Suliffeqarfimmi aqutsisumut piumasaqaataavoq:
- inuup normoqassasoq
- namminerisamik MitID.
Suliffeqarfimmi aqutsisup piumasaqaatit marluk qulaaniittut naammassisinnaanngippagit suliffeqarfissi MitID Erhverv-imut atassuserneqareerpat ikkussorsinnaanngilarsi.
Aqutsisunut sinniisoq imaluunniit nalunaaruteqartoq suliffeqarfimmi aamma aqutsisuusinnaapput piumasaqaatit marluk qulaaniittut naammassisinnaappatigit.
Suliffeqarfimmi aqutsisup suliffeqarfimmi atorfeqarnissaa piumasaqaataanngilaq. Taamaammat ass. kukkunersiuisartoq, eqqartuussissuserisoq imaluunniit allaffissornikkut sullissivimmi sulisoq toqqarsinnaavarsi.
Kina suliffeqarfimmi aqutsisuussanersoq aalajangiutereerussiuk aqutsisumit pigissavasi:
- ateq
- e-mailadresse
- ulloq inunngorfik imaluunniit inuup normua.
Suliffeqarfimmi aqutsisutut atuuffik pillugu paasissutissat amerlanerusut uani nassaarisinnaavatit:
MitID Erhverv-imut atassusiinermi ingerlatseqatigiiffimmi aqutsisunut sinniisup atuuffianut suliffeqarfissi aallaaviatigut ikkussuisussaaq. Aqutsisunut sinniisup atuuffia pillugu uppernersaat qanoq ittoq pigissanerissi paasiniassavarsi:
Suliffeqarfimmi aqutsisunut sinniisut atuuffiinut uppernarsaat
Tulleriiaagassat allattorsimaffiat: Atassusinnginnermi suut piareersimatissavisigit
Aqutsisunut sinniisup nammineerluni MitID Erhverv-imut atassusiineq aallartissappagu aqutsisunut sinniisup piareersimatissavai:
- Aqutsisunut sinniisup e-mailia.
- Aqutsisunut sinniisup namminerisamik MitID-ia kinaanermik uppernarsaanermut atassusiinermillu akuersinermut atorneqartussaq. Malugiuk, aqutsisunut sinniisoq namminerisamik MitID-eqanngippat atassusiinermik aallartitsisussamik nalunaaruteqartussamik toqqaassagassi.
- MitID Erhverv-imi suliffeqarfimmi aqutsisussi atia, e-mailia inuuialu (imaluunniit inuup normua).
- Atassusiinermi aqutsisunut sinniisup suliffeqarfimmi atuuffianut uppernarsaatit ikkussorneqartussat.
Aqutsisunut sinniisoq MitID Erhverv-imut atassusiinermik aallartitsinissamut nalunaaruteqartussamik toqqaappat, nalunaaruteqartussap piareersimatissavai:
- Nalunaaruteqartup e-mailia.
- Aqutsisunut sinniisup e-mailia.
- Nalunaaruteqartup namminerisamik MitID-ia nalunaaruteqartup kinaaneranik uppernarsaanermut atorneqartussaq.
- MitID Erhverv-imi suliffeqarfimmi aqutsisussi atia, e-mailia inuuialu (imaluunniit inuup normua).
- Atassusiinermi aqutsisunut sinniisup suliffeqarfimmi atuuffianut uppernarsaatit ikkussorneqartussat.
Suliffeqarfik MitID Erhverv-imut atassusersiuk
MitID Erhverv-imut atassusernissamut piareerpusi. Tuugassaq “Suliffeqarfissi atassusissavat” ataaniittoq tooruk.
Atassusiinermi suut naatsorsuutigineqarnersut tamakkiisumik takorusukkussiuk atassusiineq pillugu allornikkaartumik ilitsersuutit linki ataaniittoq aqqutigalugu misissorsinnaalluarpasi.
Sammisat attuumassuteqartut allat
Suliffeqarfissinnut MitID Erhverv-imut atassusilersumut tulliuttut aamma attuumassuteqarsinnaapput.
MitID Erhverv-imut atassusernermi apeqqutit akissutillu
Suliffeqarfissi MitID Erhverv-imut atassuserneqarnissamik pisariaqartitsivia?
Suliffeqarfimmi aqutsisunut sinniisut atuuffiinut uppernarsaat
Suliffeqarfissi MitID Erhverv-imut atassusersiuk
Suliffeqarfissi inummit ataatsimit pigineqanngippat suliffeqarfiit allat atassuserneqarnerat pillugu paasisaqarnerusinnaavusi:
Suliffeqarfiit inunnit ataasiakkaanit pigineqartut
ApS, A/S, kommanditselskab, andelsselskab suliffeqarfiillu allat
Peqatigiiffiit peqatigiiffiillu kajumissutsimik ingerlanneqartut