MitID Erhverv-imik pisariaqartitsissanissinnut suliffeqarfissi suussusaa pisariaqartitaalu aalajangiisuupput. MitID Erhverv-imut atassusissanerlusi paasiniarsiuk.
Suliffeqarfissi MitID Erhverv-imut atassuserneqarnissamik pisariaqartitsivia?
Suliffeqarfiit tamarmik MitID Erhverv-imik atuisalernissamik pisariaqartitsinngillat. sSuliffeqarfissi atassuserneqassanersoq ataani paasisinnaavarsi. Suliffeqarfissi suususaa toqqaruk paasisaqarnerullutillu.
- Peqatigiiffiit peqatigiiffiillu kajumissutsimik ingerlanneqartut
- Suliffeqarfiit inunnit ataasiakkaanit pigineqartut
- ApS, A/S, kommanditselskab, andelsselskab suliffeqarfiillu allat
- Suliffeqarfiit allat, ass. aningaasaateqarfiit imaluunnit pisortani oqartussaasut
Suliffeqarfissi suussusaa ilisimanngikkussiuk suliffeqarfissi CVR-imi allattorsimaffimmi ujarsinnaavarsi:
CVR - Qitiusumik suliffeqarfinnik nalunaarsuivik
Suliffeqarfissi suussusaa ataani toqqarsiuk MitID Erhverv-imut atassusertussaanerlusi paasiniarlugu.
Peqatigiiffissi MitID Erhverv-imut atassuserneqarnissaanut pissutsit marluk aalajangiisuupput:
- Peqatigiiffimmi peqatigiiffik sinnerlugu inuk ataasiinnaq digitalimik iliuuseqarsinnaava, ass. imminut sullissivinni nalunaaruteqarnerni imaluunniit peqatigiiffimmut Digitalimik Allakkat (ass. e-Boks) atuarsinnaaniarlugit?
- Inuk taanna peqatigiiffissi sinnerlugu digitalimik iliuuseqarsinnaasoq CVR-imi nalunaarsuiffimmi peqatigiiffimmut sinniisutut nalunaarsorneqarsimava imaluunniit nalunaarsorneqartariaqarpa? Peqatigiiffimmut sinniisoq ass. tassaasinnaavoq siulersuisuni ilaasortaq alla imaluunniit peqatigiiffimmi aningaaserisoq.
Pissutsit taakku marluk peqatigiiffimmit aappeerneqarsinnaanngippata MitID Erhverv-imut atassusertariaqarpusi. MitID Erhverv-imut atassusinnginnermi suut piareersimatissanerlusigit paasisaqarfiginerujuk.
Peqatigiiffiit peqatigiiffiillu kajumissutsimik ingerlanneqartut
Pissutsit taakku marluk peqatigiiffimmit aappeerneqarsinnaappata MitID Erhverv-imut atassusertariaqanngilasi. Peqatigiiffimmut sinniisorsi peqatigiiffik sinnerlugu namminerisamik MitID-ni atorlugu digitalimik iliuuseqarsinnaavoq, ass. netbankimut iserluni.
Peqatigiiffissi CVR-imi allattorsimaffimmi ujarsiuk:
CVR - Qitiusumik suliffeqarfinnik nalunaarsuivik
Peqatigiiffimmut sinniisumik CVR-imi allattorsimaffimmut nalunaarsuerusukkussi ilitsersuut tulliuttoq atorsinnaavarsi. Malugiuk, inuup aqqa najugaalu CVR.dk-mi saqqummiunneqartarmata. Peqatigiiffimmi sinniisumik CVR-imi nalunaarsuiffimmut nalunaarsuisoqassanersoq nammineq aalajangerneqartussaavoq.
Virk-imi CVR-imut peqatigiiffimmut sinniisoq imannak nalunaarsussavat (pdf) (qallunaatut)
Suliffeqarfimmik inummit ataatsimit pigineqartumik piginnittup MitID Erhverv-imut atassusernani namminerisamik MitID-ni atorsinnaavaa. Piginnittup namminerisamik MitID-ni atorlugu suliffeqarfik sinnerlugu ass. suliffeqarfimmut Digitalimik Allakkat (ass. e-Boks) atuarsinnaavai.
Suliffeqarfimmik piginnittup saniatigut suliffeqarfik sinnerlugu digitalimik iliuuseqartoqarsinnaassappat MitID Erhverv pisariaqartinneqassaaq.
MitID Erhverv-imut atassusinnginnermi suut piareersimatissanerlusigit paasisaqarfiginerujuk:
Suliffeqarfiit taamaattut amerlanerpaartaat MitID Erhverv-imut atassuserneqassapput. Suliffeqarfissi MitID Erhverv-imut atassuserneqarnissaanut pissutsit pingasut aalajangiisuupput:
- Suliffeqarfissinni inoqarpa kisimiillutik suliffeqarfik sinnerlugu atsiorsinnaasunik, imaappoq suliffeqarfik sinnerlugu atsiornissamut isumaqatigiissuteqarnissamullu kisiartaallutik pisinnaatitaaffeqartunik?
- Inuk inuilluunniit ingerlatseqatigiiffik sinnerlugu kisimiilluni/tik atsiorsinnaava/ppat CVR-imilu nalunaarsuiffimmi naliunaarsorneqarsimalluni/tik?
- Ingerlatseqatigiiffissinni inuk inuilluunniit ingerlatseqatigiiffik sinnerlugu kisimiilluni/tik digitalimik iliuuseqarsinnaanera/t naammappa, ass. ingerlatseqatigiiffimmut Digitalimik Allakkat (ass. e-Boks) atuarnissaannut imaluunniit napparsimanernik erninermilu sulinngiffeqarnermi nalunaaruteqarnerni?
Pissutsit taakku pingasut ingerlatseqatigiiffimmit aappeerneqarsinnaappata MitID Erhverv-imut atassusertariaqanngilasi. Inuk inuilluunniit ingerlatseqatigiiffik sinnerlugu kisimiilluni/tik atsiorsinnaasut ingerlatseqatigiiffik sinnerlugu digitalimik iliuuseqarsinnaavoq/pput namminerisamik MitID atorlugu.
Pissutsit taakku pingasut ingerlatseqatigiiffimmit aappeerneqarsinnaanngippata MitID Erhverv-imut atassusertariaqarpusi.
MitID Erhverv-imut atassusilinnginnermi suut piareersimatissanerlusigit paasisaqarfiginerujuk:
CVR-imi nalunaarsuiffimmi nalunaarsorneqarsimasumik ingerlatseqatigiiffik sinnerlugu kisimiillutik atsiorsinnaasumik ilaqarnerlusi nalornigigussiuk ingerlatseqatigiiffiup atsiornissamut malittarisassai CVR-imi nalunaarsuiffimmi alakkartissavasi:
Suliffeqarfissi suussutsinit pingasunit qulaaniittunit allaaneruppat MitID Erhverv-imut aallaaviatigut atassusertariaqarpusi.
MitID Erhverv-imut atassusilinnginnermi suut piareersimatissanerlusigit paasisaqarfiginerujuk:
Suliffeqarfiit suussusaat allat: MitID Erhverv-imut atassusernissamut piareersaritsi
Suliffeqarfissi MitID Erhverv-imut atassusernissaanut pisareersimavisi?
MitID-mut atassusernissamut pisariaqartinneqartut tamaasa pigereerussigit MitID Erhverv-imut atassusernissaq aallartissinnaavarsi:
MitID Erhverv: Suliffeqarfissi atassusissavat (qallunaatut)
Ataani aamma paasisaqarfiginerusinnaavasi:
Sammisat attuumassuteqartut allat
Suliffeqarfissinnut MitID Erhverv-imut atassusilersumut tulliuttut aamma attuumassuteqarsinnaapput.
MitID Erhverv-imut atassusernermi apeqqutit akissutillu
Suliffeqarfissi MitID Erhverv-imut atassuserneqarnissaanut piareersarsiuk
Suliffeqarfissi MitID Erhverv-imut atassusersiuk