MitID Erhverv-imi qanorluunniit atuuffeqaraluaruit MitID Erhverv qanoq atorneqarnissaanut ilitsersuut nassaariuk.
MitID Erhverv imannak atussavat
Atuisuuguit
MitID Erhverv-imi atuisusut ilitsersuutit nassaarisinnaasatit ass.:
- MitID Erhverv-imik atuisutut qanoq aallartitsissavit
- imminut sullissivimmut qanoq isissavit.
Aqutsisuuguit
MitID Erhverv-imi aqutsisutut atuuffiit assigiinngitsut pingasuupput:
- Suliffeqarfimmi aqutsisoq
- Atuisunut aqutsisoq
- Pisinnaatitaaffinnik aqutsisoq
Atuuffiit qulaaniittut pingasut arlaat atugarigukku MitID Erhverv-imi qanoq aqutsisuunissamut ilitsersuutit nassaarisinnaavatit:
Suliassat aalajangersimasut suliarinissaannut atuuffik sorleq pisariaqarnersoq aamma takuneqarsinnaavoq.
Apeqqutit akissutillu: “MitID Erhverv imannak atussavat”
Suliffeqarfimmi aqutsisutut suliffeqarfigisannni atuisut qanoq isersinnaanissaat toqqassavat. Suliffeqarfimmi pisariaqartitasi apeqqutaatillugit arlalinnik periarfissaqarpoq. Suliffeqarfimmi aqutsisut toqqaanitit suliffeqarfigisanni atuisunik aqutsisut atuisunut qanoq atugassaqartitsisinnaanerannut aalajangiisuussapput, ass. pisinnaatitaaffinnik imaluunniit kinaassutsimik uppernarsaanermut atortunik.
Suliffeqarfimmi atuisut qanoq isersinnaanissaat pillugu suliffeqarfiup ikkussuinera pillugu paasisaqarnerugit:
MitID Erhverv-imi atuisunik aqutsineq pillugu paasisaqarnerugit:
Naamik, atuisut tamarmik assigiinnik MitID-mi kinaassutsimik uppernarsaanermut atortoqartariaqanngillat. MitID-mi kinaassutsimik uppernarsaanermut atortoq illit kinaassutsinnik uppernarsaatitut atussavat, ass. imminut sullissivimmut iserniartillutit. MitID-mi kinaassutsimik uppernarsaanermut atortut tassaapput:
- MitID app
- MitID kodenik nuisitsivik
- MitID kodenik atuaasartoq
- MitID chip
Atuisut namminerisamik MitID-ni atorsinnaavaa, ass. nammineq MitID app-ini. Taamaaliorsinnaapput suliffeqarfik atuisullu ataasiakkaat namminerisamik MitID-mik atuisoqarnissaa akuerippassuk.
Atuisut namminerisamik MitID-minnik atuerusunngippata kinaassutsimik uppernarsaanermut atortunut allamik suliffeqarfik neqerooruteqassaaq, ass. immikkut MitID-mik, takuuk Atuisunik aqutsivinni atugassarititaasuni immikkoortoq 7.2:
Atuisunik aqutsivinni atugassarititaasut (pdf) (qallunaatut)
Atuisut immikkut MitID-mik aamma atuisinnaapput suliffeqarfiit sinnerlugu iliuuseqarniarnermi taamaallaat atorneqartartumik. Taanna tassaasinnaavoq immikkut MitID app, kodenik nuisitsivit, kodenik atuaasartoq imaluunniit chipi.
Suliffeqarfinnit ataasiakkaanit nammineq aalajangerneqassaaq atuisut immikkut MitID-mik atuitillugit atuisut MitID app-imik, kodenik nuisitsivimmik imaluunniit kodenik atuaasartumik atuissanersut.
Atuisunik aqutsisutut atuisumik ataatsimik arlalinnilluunniit pilersitsisimaguit mailimillu aallartissutissamik tigusaqarsimanngippata e-maili nassiuteqqissinnaavat.
Aallartitsinissamik e-mailimik qanoq nassiusseqqissinnaaninnut ilitsersuut qulequttami “Aallartitsinissamut e-maili nassiuteqqiguk” ataani nassaarissavat:
Sammisat attuumassuteqartut allat
MitID-Erhverv.dk-mi paasissutissat uku aamma pissarsiarisinnaavatit: