MitID Erhverv-imi suliffeqarfiup inissitsiterinerinik nalimmassaagit

Suliffeqarfimmi aqutsisutut MitID Erhverv-imi suliffeqarfinnut inissitsiterneqarsimasut qanoq iluarsaallugillu ikkussorsinnaaneritit pillugit ilitsersuutit nassaarisinnaavatit. Aqutsisut allat inissitsiterinerit aamma takusinnaavaat.

Qupperneq una ukununnga attuumassuteqarpoq:

suliffeqarfimmi aqutsisoq.

MitID Erhverv-imi qanoq atuuffeqarnerlutit nalugukku MitID Erhverv-imut iserlutit atuisuunerit takusarsinnaavat. Atuuffiit illit atuisuuffinni “Tunngaviusumik paasissutissat”-niipput.

MitID Erhverv: Iserfissaq (qallunaatut)

Suliffeqarfiup MitID Erhverv-imi inissitsiterineri suliffeqarfimmi aqutsisup kisimi allanngortissinnaavai. Allanik atuuffeqaruit, soorlu pisinnaatitaaffinnik aqutsisutut imaluunniit atuisunik aqutsisutut, suliffeqarfiup inissitsiterineri taamaallaat takusinnaavatit.

MitID Erhverv-imi suliffeqarfiup inissitsiterinerinik imannak allannguisinnaavutit

MitID Erhverv-imi aqutsisutut inissitsiterinerit tulliuttut arfinillit suliffeqarfigisannut atuuttut allanngortissinnaavatit imaluunniit takullugit:

Akiligassalerineq: Suliffeqarfik akiligassanik qanoq nassinneqartarnersoq.
Atuisunik pilersitsineq: Atuisunik pilersitsinermi paasissutissat suut atassuserneqassappat.
Kinaassutsimik uppernarsaanermut atortut: MitID-mi kinaassutsimik uppernarsaanermut atortut sorliit sulisut isernissaannut imaluunniit imminut sullissivimmi atsiornissaannut atorneqarsinnaanissaannik suliffeqarfiup akuersinera.
Akuersissutit: Akuersissutit suut suliffeqarfimmi tunniunneqartarnerat.
Sumiiffimmi IdP: Suliffeqarfigisat sumiiffimmi IdP-mik qanoq aqutsissanersoq.
Nalunaarutit: MitID Erhverv-imit nalunaarutinik qanoq tigusaqartanersutit.