Lokal IdP
Lokal IdP sunaanersoq, Lokal IdP ilissinnut qanoq periarfissiisinnaanersoq Lokal IdP-mik qanoq piareersaanissaq atuutilersitsinissarlu pillugit paasikkit.
Qupperneq una pingaartumik ukununnga attuumassuteqarpoq:
- Suliffeqarfinni angisuuni IT-mik ilusilersuisartut ineriartortitsisartullu imaluunniit suliffeqarfinnut angisuunut pilersuisartut.
Sammisat tulliuttut pillugit tamakkiisumik ilissinnut paasisaqartitsissaaq:
- Lokal IdP sunaava?
- Lokal IdP-ip iluaqutissartai
- Lokal IdP-mik pilersitsinnginnissinni imaaliussaasi
- Lokal IdP-mik imannak pilersitsissaasi
- Isumannaatsumik atortinneqartumillu atsorneq: Suliffeqarfik sinnerlugu atsiorneq atuisoq Lokal IdP-mi pilersinneqarsimatillugu
- FullService IdP: Lokal IdP’ersi suliffeqarfinnut allanut atugassanngortissiuk imaluunniit allat Lokal IdP’anik atuigitsi
- Lokal IdP pillugu apeqqutigineqakkajuttartut
Lokal IdP’qaraanni (sumiiffimmi kinaassutsimik tuniniaasartoq) suliffeqarfissi atuisussinnut nammineq kinaassutsimik uppernarsaanermut atortussanik tunniussaqarsinnaalissaaq.
Atuisut taamaammat IT-systemissinnut imminullu sullissivissinnut isernissamut kinaassutsimik uppernarsaanissamut sumiiffimmi kinaassutsimik uppernarsaanermut atortunik pilersinneqarsimasunik atuissapput. Suliffeqarfiit nalinginnaasumik pingaartumik qarasaasianut assigisaannullu atuisutut atermik kodemillu akuleriissitsillutik atuisarput. Taakku tassaasinnaapput atortuni angallattakkani app’it.
- Atuisusi suliffeqarfissinni kinaassutsimik uppernarsaanermut atortut atugaasa assingi pisortani namminersortunilu imminut sullissivinni atorsinnaavaat - assersuutigalugu atuisutut atit, kodet isissutissat, app’it atortorissaarutillu assingat.
- Sumiiffimmi kinaassutsimik uppernarsaanermut atorut assersuutigalugu suliffeqarfissinnut kortinut isissutissanut ilanngunneqarsinnaapput, atuisusi ulluinnarni atukkaminni taamaalillutik pisariinnerusumik ataqatigiinnerusumillu isersinnaasutut misigisimassallutik.
- Suliffeqarfissinni atuisunik aqutsineq pisariinnerulersinnaavoq atuisunik aqutsinerup sumiiffimmiitinneratigut nutarterinerillu IdM API aqqutigalugu MitID Erhverv-imik ilutigiissinnerisigut.
- Lokal IdM-ersi Lokal IdM-imut (sumiiffimmi kinaassutsimik uppernarsaanermik isumaginninneq) akuleriisissallugit aalajangersinnaavusi taamaaliornissigullu allaffissornikkut nammineq systemissinni MitID Erhverv-imi atuisunik pisinnaatitaaffinnillu aqutsisinnaassallusi.
- MitID Erhverv-imi nutarterisoqaraangat nutaanillu atuuffeqaleraangat IdM API aqqutigalugu ilutigiissinneqassapput, taamaammallu Lokal IdP-qarussi ataavartumik nutartigassanik aqutsisariaqassanasi.
Lokal IdP-mik pilersitsinnginnissinni imaaliussaasi
Teknikkikkut piareersimanissaq pisinnaassuseqarnissarlu pisariaqarpoq isumannaallisaanikkut piumasaqaatitaqarnerusumik Lokal IdP-mik pilersitsissagaanni aserfallatsaaliillunilu. Immikkoortut sisamat tulliuttut taamaammat eqqumaffigissavasi:
- Lokal IdP atassuserniarlugu NSIS-imik (Nuna tamakkerlugu kinaassutsimik qulakkeerinninnermut inissisimaffiit) malitassaq naleqquttumik isumannaallisaanikkut inissisimasussaq (annertuumi qaffasissumiluunniit) atuutilersissavarsi Digitaliseringsstyrelsemilu NSIS-imik Nakkutilliisunit akuerineqarlusi.
- NSIS-imut nalunaarutigineqarumalluni piffissaq, piginnaasat isumalluutillu atussavasi kingornalu ukiiut tamaasa kukkunersiorneqartassallusi.
- Kinaassutsimmik uppernarsaanermut atortusi nammineerlusi aserfallatsaalissavasi.
- Suliffeqarfimmi MitID atorlugu kinaassutsimik uppernarsaanermut atortoqarnermit Lokal IdP-qarneq namminerlu kinaassutsimik uppernarsaanermut atortunik tunniussisarneq isumalluutinik atuinarnerullunilu aningaasartuutitaqarnerukkajuttarpoq.
Lokal IdP-mik pilersitsilersinnasi niuernikkut pisariaqartitasi kissaatisilu eqqarsaatigilluarsinnaavarsi, ilanngullugit:
- kiffartuussivinni atuisussinnit atorneqartussani NSIS-imi isumannaallisaanerup inissisimaffik (annertooq qaffasissorluunniit)
- ingerlasinnaassutsip sivisussusaanut, akissuteqarnissap sivisussusaanut kiffartuussinermilu anguniakkanut allanut piumasaqaatit
- sumiiffinni inuussutissarsiuteqartuni kinaassutsit qanoq pielrsinneqassanersut: Lokal IdM MitID Erhverv-illu suleqatigiinnissaat kissaatigaasiuk? Imaluunniit atuisunik MitID Erhverv-imi toqqaannartumik aqutsissavisi?
Tamakkiisumik takunnissinnaalerussi suliniummik aallartitsinissarsi suliffeqarfissinnilu tapersersuisoqalernissaq iluaqutigisinnaavarsi.
Lokal IdP-mik pilersitserusukkussi Lokal IdP-ssi NSIS-imi (Nuna tamakkerlugu kinaassutsimik qulakkeerinninnermut inissisimaffiit) piumasaqaatinik naammassinnissinnaanissaa piumasaqaataavoq.
Lokal IdP NSIS-imut nalunaarutigineqarsimassaaq Lokal IdP-mut ingerlasumut kingusinnerpaamik atassusernermi NSIS-imi pitsaasut allattorsimaffianniissalluni.
NSIS-imi malitassanik atuutilersitsineq assigiinngitsunik arlalinnik suliassartaqarpoq - teknikkikkut, aaqqissuussaanikkut isumannaallisaanikkullu. Suliassap teknikkikkut atuutsilersitsinissamik suliniutitut isigineqannginnissaa taamaammat pingaaruteqarpoq:
- Kinaassutsimik qulakkeerinninnermut pisaaseq kissaatigineqartoq paasisiuk:
- Atuisusi assersuutigalugu siullermik isernermi nammineq MitID-minnik atuissappat?
- Kinaassutsimik qulakkeerinninneq sumiiffimmi ilanngussinermut programimi imaluunniit NemLog-in-imi pissava?
- Atuisut taarsiullugu pas/biilinik ingerlatsisinnaanermut uppernarsaat nassarlugu takkutissappat?
- Sumiiffimmi kinaassutsimik uppernarsaanermut atortut qanoq ittut atorneqassanersut qanorlu tunniunneqarlutillu isumagineqassanersut paasissavarsi. Nalinginnaasumik pingaartumik assersuutigalugu atortuni angallattakkani app’init atortorissaarutini pissutsini immikkuullarissuni atuisutut atermik kodemillu akuleriissitsisoqartarpoq.
- Kinaassutsimik uppernarsaanermik kiffartuussineq teknikkikkut (IdP) qanoq pilersinneqassanersoq isumannaallisaanermullu inissisimaffiit toqqarneqarsimasut qanoq tamatuminnga ikorfartorneqarsinnaanersoq ersarissaruk. Lokal IdP “OIOSAML Local IdP Profile”-imi piumasaqaatinik naammassinnittumik SAML-snitflademik takutitsissaaq.
- Ingerlatsinermi teknikkikkullu isumannaallisaanermi piumasaqaatit ersarissarsigit; Ingerlatsivigisarsi naammattumik piareersimava imaluunniit pitsanngorsaasoqartariaqarpa?
- Atuisunik aqutsisusi assersuutigalugu kinaassutsimik qulakkeerinninnermik suliaqartussat ilinniartinneqarnissaannik pisariaqartitsineq paasiniarsiuk.
- Paasissutissanik isumannaallisaanermi (ISMS) aqutsinermut systemi pilersissiuk imaluunniit pioreersoq naleqqussarsiuk kinaassutsimik uppernarsaanermut passussinermi ingerlatseriaatsinut naammattunngortillugit.
- Ataani pilersuisunik assersuutigalugu software-inik imaluunniit ingerlatsinermik sumiiffimmi atuutilersitsinerup ilaanik tunniussaqartussanik isumaginninneq ersarissarsiuk.
- Ingerlaatsit, isumannaallisaanerup ilusilersorneqarnera teknikkikkullu systemit nassuiarsigit, ilusissaalu pissarsiaralugu.
- Avataanit kukkunersiuisumit sustemit ingerlaatsillu qanoq misissorneqarsinnaassanersut pilersaarusiorsiuk. Assersuutigalugu pingaaruteqarpoq kukkunersiuinermut naammattumik aqquteqarnissaata qulakkeernissaa, kukkunersiuisumit paasineqarsinnaaniassammat ingerlaatsit, inuit systemillu eqqarsaataasutut nakkutiginnissinnaasut.
Digitaliseringsstyrelsep nittartagaa: OIOSAML profilit (qallunaatut)
Atuisusi Lokal IdP-ssinni pilersinneqarsimasut nammineerlusi kinaassutsimik uppernarsaanermut atortusi atorlugit imminut sullissivinnut isersinnaapput nammineq systemissinnut pisarnermissut. Suliffeqarfissili sinnerlugu atsiorsinnaanngillat.
Atuisusi suliffeqarfissi sinnerlugu atsiorsinnaassappata qaavatigut piumasaqaateqarpoq. Uani paasisaqarnerusinnaavusi:
Lokal IdP-mik imannak pilersitsissaasi
Qulaaniittut tamarmik suliarereerussigit Lokal IdP-mik pilersitsinissamut piareepusi. Uani paasisaqarnerusinnaavusi:
- qanoq iliussanerlusi
- qaqugu taamaaliussanerlusi.
Ilitsersuut arfinilinnut avinneqarsimavoq:
- Lokal IdP-mut avatangiisit atuisunullu katalogit attuumassuteqartut pilersissigit kiisalu komponentit kiffartuussinerillu pisariaqartinneqartut pilersillugit.
- Lokal IdP’mut akuersissutit pisariaqartinneqartut pissarsiarisigit
- Sumiiffimmi misileraagitsi, tamatumani atuinermi misiliineq isumannaallisaanermullu misiliineq ilanngullugit.
- Aaqqissuussaanikkut ingerlaatsinik misileraagitsi
Misiliummik suliffeqarfiliornissamut periarfissaqarpusi. MitID Erhverv-imi integrationstestmiljømi taamaaliorsinnaavusi assersuutigalugulu misilittarsinnaalugit:
- IdM
- API’nut akuersissut
- Sumiiffissinni IdP-integration.
MitID Erhverv-imi integratiionstestmiljø: MitID Erhverv-imi atuuffiit misilittakkit
NSIS’imut nalunaaruteqarnermi atugassanik kukkunersiuisumit aqutsisuniillu nalunaarutinik pisariaqartinneqartunik piniarnissarsi piumasaqaataavoq.
Kukkunersiuisumik siusissukkut oqaloqateqarsimanissarsi innersuussutigissavarput. Kukkunersiuisumit nalunaarutinik pisariaqartinneqartunik pissarsiniarluni kiisalu systeminut ingerlaatsinullu attuumassuteqartunik nammattumik uppernarsaateqarnissap kukkunersiuisumiillu takuneqarsinnaanissaasa qulakkeernissaannut sulisoqarnissaa naatsorsuutigineqartariaqarpoq.
Uppernarsaatit attuumassuteqartut pissarsiaralugillu suliarereerussigit ataatsimoortunik nalunaarutinik Digitaliseringsstyrelsemi NSIS-imi Nakkutilliisunut nassiussissaasi:
Digitaliseringsstyrelsemi NSIS-imi Nakkutilliisut E-mail
NSIS-imi Nakkutilliisunit uterfigineqarnissarsi utaqqissavarsi, Imaassinnaavoq NSIS-imut nalunaarutigineqannginnissinni NSIS-imi Nakkutilliisunit ilassutinik apeqquteqartoqartoq.
Nassiussassat sunik imaqassanersoq NSIS-ilu pillugu apeqqutigineqakkajuttartut pillugit paasisaqarnerusinnaavutit:
Digitaliseringsstyrelsep nittartagaa: NSIS pillugu apeqqutigineqakkajuttartut (qallunaatut)
NSIS-imi Nakkutilliisuni NSIS-imut nalunaatuteqarnerit sapinngisamik sukkanerpaamik isumagineqartarput aallarniutigalugulu ullut 30-t iluanni suliarineqartarlutik. Nalunaarutip qanoq sivisutigineranut apeqqutaapput:
- nalunaarutigisassap qanoq pisariutiginera
- qanoq tamakkiitiginera pitsaassusaalu
- NSIS-imik nalunaarutit suliarineqartut amerlassusaat
- NSIS-imi Nakkutilliisuni isumalluutit.
Lokal IdP-ersi Digitaliseringstyrelsep nittartagaani NSIS-imi pitsaasut allattorsimaffianniilerpat suliffeqarfissi MitID Erhverv e-mail atorlugu attavigissavaat. E-maili paasissutissanik tulliuttunik imaqassaaq:
- Suliffeqarfiup aqqa
- CVR-normu
- Entity ID for Lokal IdP
- Suliffeqarfissi nammineq Lokal IdP-mik atuinersoq imaluunniit avataanit FullService Lokal IdP-mik.
- Attaveqarfissamut ateq, oqarasuaat e-maililu
MitID Erhverv-imi Lokal IdP ingerlalernissaanut ikkussornissaanut MitID Erhverv ammaassissaaq.
E-mailimik akuersissummik tigusaqarussi Lokal IdP ikkussorsinnaalissavarsi.
NSIS-imi pitsaasut allattorsimaffiani paasiniaagitsi:
Suliffeqarfissinni atuisut suliffeqarfissi sinnerlugu atsiorsinnaanissamik pisariaqartitsippata (isumannaatsumik atsiorneq) immikkoortoq atuaruk:
Lokal IdP MitID Erhverv-imi ingerlatsinermut avatangiisinut suliffeqarfissinnit maanna ikkussorneqassaaq. Suliffeqarfissinni suliffeqarfimmi aqutsisoq taamaaliussaaq.
Lokal IdP-mik suliffeqarfimmi aqutsisumit qanoq ikkussorneqassanersut pillugu ilitsersuut atuaruk:
Suliffeqarfissi Lokal IdP-mik qanoq pilersitsissanersoq takusassiami ataani takutinneqarpoq:
Isumannaatsumik atortinneqartumillu atsorneq: Suliffeqarfik sinnerlugu atsiorneq atuisoq Lokal IdP-mi pilersinneqarsimatillugu
Suliffeqarfissinni atuisusi Lokal IdP-ssinni pilersinneqarsimappata nammineerlusi kinaassutsimik uppernarsaanermut atortusi atorlugit imminut sullissivinnut isersinnaapput nammineq systemissinnut pisarnermissut. Atuisulli suliffeqarfissi sinnerlugu atsiorsinnaanngillat. tamatumunnga pissutaavoq, atuisoq eIDAS-imi peqqussut malillugu nalunaarsorneqarsimappat aatsaat suliffeqarfissi sinnerlugu atsiorsinnaammat.
Europa-Kommissionip nittartagaa: eIDAS-imi peqqussut (qallunaatut)
Atuisusi suliffeqarfissi sinerlugu atsiornissamik pisariaqartitsippata periarfissaq tamanna atulersissinnaavarsi periaatsit pingasut ilaat ataaseq atorlugu: Imaaliorsinnaavusi:
- atuisusi nammineq MitID-ertik atorlugu MitID Erhverv-imit kinaassutsimik uppernarsaatillugit
- ilassutitut kukkunersiuinermik nalunaarummik nassiussillusi
- naapertuunneranik naliliinermut nalunaarusiamik nassiussillusi.
Atuisut Lokal IdP-mi pilersissimasasi namminerisamik MitID-ertik, assersuutigalugu nammineq netbakimut isernermi atortagaat, atorlugu kinaanerminnik uppernarsaasinnaapput. Suliffeqarfissi sinnerlugu sumiiffissinni kinaassutsimik uppernersaanermut atortorsi atorlugu atsiorsinnaalissapput.
Atuisunik aqutsisoq imaluunniit atuisoq nammineq namminerisamik MitID atirlugu kinaassutsimik uppernarsaanissamut e-mailimik nassitsinnissaq imagissavaa.
Atuisunik aqutsisoq e-mailimik nassiussititsissappat atuisunik aqutsisoq:
- MitID Erhverv-imut isissaaq
- “Atuisut” (qallunaatut: "Brugere") ataanni atuisoq kinaanerminik uppernarsaasussaq nassaarissavaa
- “Atsiorneq” (qallunaatut: "Underskrift") ataani e-mailimik nassiussititsissaq.
Atuisoq taava linkimik imalimmik e-mailinnassaaq. Atiusup taanna malissavaa namminerisamik MitID atorlugu kinaassutsimik uppernarsaaniarluni.
Atuisoq namminerisamik MitID atorlugu kinaanerminik uppernarsaanissamut e-mailimik nassinneqarnissani nammineq isumagissappagu atuisoq:
- MitID Erhverv-imut isissaaq
- “Tunngaviusumik paasissutissat” ataanni e-mailimik pilersitsinermut.
Atuisoq taama e-mailisissaaq, atuisup kinaanerminik nammineq MitID-ni atorlugu uppernarsaassalluni.
Suliffeqarfissinni atuisut suliffeqarfik sinnerlugu sumiiffissinni kinaassutsimik uppernarsaatitut atortagarsi atorlugu atsiorsinnaapput, Lokal IdP-ssinnut atatillugu nalunaarsuinermik ingerlatsisarnissinnut kukkunersiuinermik ilassutitut nalunaarummik nassiussigussi.
Kukkunersiuinermik nalunaarut ilassutaasoq MitID Erhverv-imut, NSIS-imi Nakkutilliisumuunngitsoq, nassiussiinnassaasi.
Eqqumaffigissavarsi Ilassut B-mi Nakkutilliinermut anguniakkap 2-p pinissaanut iluarsineqarnissaa atuisunik aaqqissuussivik akisussaammat. Atuisunik aaqqissuussiviit isumannaatsumik atsiornissamut namminerlu nakkutilliinernik atuutilersitsinissamut immikkut akisussaaffeqarnerat tamatumunnga pissutaavoq. Tamatuma qulakkiissavaa atuisoq kisimi nalunaarsueriaaseq aqqutigalugu nalunaarsorneqarsimasoq isumannaatsumik atsiornissamut piumasaqaatinik naammassinnittoq MitID Erhverv-imi isumannaatsumik atsiorsinnaanissamik tunineqassasoq.
Kukkunersiuinermut nalunaarummut piumasaqaatit pillugit itinerusumik paasisaqarsinnaavutit immikkooq 5.4.3.1-imi: “Kukkunersiuinermut nalunaarummik tunniussineq” ilanngussaq 7-imi: “Lokal IdP-mik atuinissamut MitID Erhverv-imi atugassarititaasut”.
Ilanngussaq 7 Lokal IdP-mik atuinissamut MitID Erhverv-imi atugassarititaasut (pdf) (qallunaatut)
Naapertuunnermik nalilersuinermut nalunaarut nassiutereerussiuk atuisut Lokal IdP-mi pilersinneqarsimasut nammineq kinaassutsimik uppernarsaanermut atortorsi atorlugu suliffeqarfissi sinnerlugu atsiorsinnaalersimanerat pillugu MitID Erhverv-imit mailisissaasi.
eIDAS-imi peqqussummi artikeli 24.1-imi piumasaqaatit aalajangersarneqarsimasut malillugit sumiiffimmi nalunaarsueriaatsinik uppernarsaasunik naapertuunnermik nalilersuinermi nalunaarusiamik nassiussigussi nammineq kinaassutsimik uppernarsaanermut atortusi atorlugit suliffeqarfissi sinnerlugu atsiornissamut suliffeqarfissinni sulisut periarfissaqalissapput. Naapertuunnermik nalilersuinermut nalunaarusia Digitaliseringsstyrelsimi eIDAS-imi Nakkutilliisunut nassiunneqassaaq assingalu MitID Erhverv-imut nassiunneqarluni.
Naapertuunnermik naliliinermut nalunaarusiamut piumasaqaatit immikkoortoq 5.4.3.2-miipput: Naapertuunnermik nalilersuinermut nalunaarusiorneq” Ilanngussaq 7-imi: “Lokal IdP-mik atuinissamut MitID Erhverv-imi atugassarititaasut”;
Ilanngussaq 7, Lokal IdP-mik atuinissamut MitID Erhverv-imi atugassarititaasut (pdf) (qallunaatut)
eIDAS-imi Nakkutilliisut: E-mail
Naapertuunnermik nalilersuinermut nalunaarut nassiutereerussiuk atuisut Lokal IdP-mi pilersinneqarsimasut nammineq kinaassutsimik uppernarsaanermut atortorsi atorlugu suliffeqarfissi sinnerlugu atsiorsinnaalersimanerat pillugu MitID Erhverv-imit mailisissaasi.
FullService Lokal IdP: Lokal IdP’ersi suliffeqarfinnut allanut atugassanngortissiuk imaluunniit allat Lokal IdP’anik atuigitsi
Suliffeqarfissi Lokal IdP-mik MitID Erhverv-imi pilersitsisimappat Lokal IdP’ssinnik suliffeqarfinnut allanut atugassanngortitsisinnaavusi. Taamaalilluni FullService Lokal IdP-nngussaasi.
Suliffeqarfissi suliffeqarfiup allap Lokal IdP-anik aamma atuisunngorsinnaavoq nammineq pilersitsinani.
Suliffeqarfik Lokal IdP-qalersimasoq suliffeqarfiit allat tamatuminnga atuisinnaalersissinnaavai. Suliffeqarfiit allat Lokal IdP-mik pilersinneqareersimasumik atuissallutik aalajangissappata NSIS-imut nammineq nalunaartariaqartussaannginnerat tamatumani iluaqutissartaassaaq.
Suliffeqarfiit FullService Lokal IdP-imik atugassanngortitsisut teknikkikkut ingerlatsinermilu atugassarititaasut tamarmik NSIS-imi malittarisassiorneqartut isumagissavaat, tamatumani sumiiffinni atuisunik nalunaarsuineq kinaassusaannillu qulakkeerinninneq sumiiffinnilu kinaassutsimik uppernarsaanermut atortunik tunniussineq ilanngullugit.
FullService Lokal IdP NSIS-imi malitassani piumasaqaateqartumik kukkunersiorneqartartassaaq. Suliffeqarfik FullService Lokal IdP-tut pilersinneqarsimasoq taamaammat NSIS-imi pitsaasut allattorsimaffianni allassimavoq.
NSIS pillugu paasisaqarnerugit:
Nammineq FullService Lokal IdP-issinnik atugassanngortitsigussi suliffeqarfinnik Lokal IdP-mik atuerusullutik aalajangersimasunik nammineq isumaqatigiissusiussaasi.
FullService Lokal IdP-imik neqerooruteqartutut suliffeqarfinnik Lokal IdP-mik atuerusuttunik ataatsimut aqutsisut nalunaarutaannik atsiussaasi.
Atuisusi ilissiluunniit ataatsimut aqutsisut nalunaarutaannik MitID Erhverv-imut nassiussissaaq.
Aqutsisut nalunaarutaat ataatsimullu aqutsisut nalunaarutaat
FullService Lokal IdP-mik allanit neqeroorutigineqartumik atuerusukkussi FullService Lokal IdP-mik neqerooruteqartorlu isumaqatigiissusiussaasi.
FullService Lokal IdP-t sorliit atugassanngortinneqarsimanersut MitID Erhverv-imit ilisimatitsissutigineqarsinnaanngilaq. NSIS-imi pitsaasut allattorsimaffianni misissuisinnaavusi kiisalu Danmarkimi FullService Lokal IdP-usinnaasunik niuerfimmi paasiniaallusi:
FullService Lokal IdP-mik neqerooruteqartumik isumaqatigiissuteqarussi FullService Lokal IdP-mik neqerooruteqartoq ilissiluunniit allagaatit tulliuttut marluk MitID Erhverv-imut nassiunneqassapput:
- Aqutsisut nalunaarutaat atsiorneqarsimasoq
- Ataatsimut aqutsisut nalunaarutaat, tassani ilissi atuisutut FullService Lokal IdP-milu neqerooruteqartut isumaqatigiissuteqarnermi atugassarititaasunik atsiorsimassallusi
Aqutsisut nalunaarutaat ataatsimullu aqutsisut nalunaarutaat
Sammisap allaffissaani “FullService Lokal IdP” allassagakku eqqaamajuk.
Nammineq Lokal IdP-ssinit FullService Lokal IdP-mut suliffeqarfimmit allamit neqeroorutigineqartumut nuussallusi aalajangerussi, NSIS-imi Nakkutilliisunut ID-mik kiffartuussissutaasimasup atorunnaarsinneqarnera pillugu aqutsisut nalunaarutaannik aamma nassiussissaasi.
NSIS-imi Nakkutilliisut: E-mail
MitID Erhverv-imut NSIS-mi Nakkutilliisunut aqutsisut nalunaarutaannik nassiussigussi e-mailimi attavissaq pillugu paasissutissat pingasut tulliuttut ilisimatitsissutigissagassiuk eqqaamassavarsi:
- Ateq
- Oqarasuaatip normua
Apeqqutit akissutillu: Lokal IdP
Lokal IdP pillugu apeqqutit akissutissarsikkit.
Aallaaviatigut NSIS-imi Nakkutilliineq ullunik 30-nik sivisussuseqarpoq. NSIS-imi Nakkutilliisut NSIS-imut nalunaarutit nassiunneqartut sapinngisamik sukkanerpaamik isumaginiartarpaat. Suliap suliarineqarnera ulluni 30-ni ingerlanissaa taamaammat naatsorsuutigineqarsinnaanngilaq. Apeqqutaassaaq:
- NSIS-imit nalunaaruteqarnerup:
- pisariussusaa
- qanoq tamakkiitiginera
- pitsaassusaa
- NSIS-imik nalunaarutit suliarineqartut amerlassusaat
- NSIS-mi Nakkutilliinermi isumalluutit inissisimanerat.
MitID Erhverv-im pisinnaatitaaffik imminut sullissivimmi suliassamik aalajangersimasumik isumaginnissinnaatitsivoq pisinnaatitaaffeqartitsilluniluunniit. MitID Erhverv-im atuisut MitID-mi kinaassutsimik uppernarsaanermut atortunik imaluunniit Lokal IdP-mit sumiiffimmi kinaassutsimik uppernarsaanermut atortunik atuisuunera apeqqutaatinnagu. Allatut oqaatigalugu pisinnaatitaaffiit atuisumut atassuserneqarsinnaapput kinaassutsimik uppernarsaanermut atortut apeqqutaatinnagit.
Pisinnaatitaaffiit tunniunneqarsinnaapput:
- IdM API’nut ilanngussinerit aqqutigalugit
- MitID Erhverv-imi.
MitID Erhverv-imin pisinaatitaaffinnik tunniussisarniarlusi aalajangerussi suliffeqarfissinni pisinnaatitaaffinnik aqutsisoq atuisunilluunniit aqutsisoq taamaaliortassaaq. Ilitsersuut uaniippoq:
Pisinnaatitaaffinnik tunniussineq peersinerluunniit (qallunaatut)
Lokal IdP-ni aamma periarfissaavoq MitID Erhverv-imi pisinnaatitaaffinnut annertusaasinnaasunik iliuutsinik sumiiffinni tunniunneqartuni eqimattat pillugit paasissutissanik nassiussisinnaaneq. Immikkoortoq 8-mi Lokal IdP’mut teknikkikkut ilanngussinissamt ilitsersuummi itinerusumik nassuiarneqarpoq:
NemLog-in.dk: Lokal IdP-mut ilanngussinissamik ilitsersuut (pdf) (tuluttut)
API-nik atuineq akeqanngilaq atuisulli pingasunit amerlaneruppata atuisut amerlassusaannut akiliisoqassaaq.
Sammisat attuumassuteqartut allat
Suliffeqarfissinni MitID Erhverv-imik annertusisamik atuuffilimmik atuisutut tulliuttut naleqqussinnaapput.