MitID Erhverv suliffeqarfissinnit atorneqalerpat qanoq atugassaanersoq pillugu tamakkiisumik takunnissinnaalipallagit.
MitID Erhverv sunaava?
MitID Erhverv Danmarkimi suliffeqarfinnut tamanut digitalimik ilisarnaataavoq. MitID Erhverv atorlugu sulisusi suliffeqarfik sinnerlugu digitalimik iliuuseqarsinnaapput, assersuutigalugu suliffeqarfiup Digitalimik Allakkat atuarlugit (ass. e-Boks) imaluunniit utertitsinermik nalunaaruteqarluni.
MitID Erhverv eqaatsorujussuuvoq. MitID Erhverv assigiinngitsorpassuartigut atorneqarsinnaavoq. Suliffeqarfiit ataasiakkaat taamaammat pisariaqartitaminnut tulluartumik MitID Erhverv-imik atuisinnaapput.
MitiD Erhverv pisariippoq. Aqutsineq tamarmi ataatsimiippoq. Suliffeqarfissi MitID Erhverv-imi assersuutiglugu:
- sulisusi atuisunngortissinnaavai
- atuisut aqussinnaavai
- atuisut imminut sullinnissamut isersinnaalersillugit
- suliffeqarfik sinnerlugu digitalimik iliuuseqarsinnaalersillugu suliffeqarfik alla pisinnaatitsissummik tunineqarsinnaavoq.
MitID Erhverv-ip pingaarnertut atuuffii pillugit nassuiaatit naatsunnguit ataani atuarsinnaavasi.
MitID Erhverv-imut imannak isissaasi
Imminut sullissivissanut suliffeqarfillu sinnerlugu digitalimik atsiornissamut MitID Erhverv atorlugu assigiinngitsunik isertoqarsinnaavoq. Assersuutigalugu suliffeqarfissinni sulisut nammineq inuttut MitID-minnik atuinissamut periarfissaqarput.
MitID appi, kodenik nuisitsivik, kodenik atuaasartoq chippilu
Assersuutigalugu MitID Erhverv atorlugu iserniarussi MitID app, kodenik nuisitsissut, kodenik atuaasartoq chippiluunniit pigissavarsi. Taakku kinaassusissinnik uppernarsaatitut atussavasi.
MitID appi, kodenik nuisitsivik, kodenik atuaasartoq chippilu
MitiD Erhverv-imi atuuffiit
MitID Erhverv tamarmik assigiinngitsunik suliassalinnik assigiinngitsunik tallimanik atuuffeqarpoq. Amerlanerit suliffeqarfik sinnerlugu imminut sullissinermi MitID Erhverv-imik taamaallaat atuisutut atorusuttarpaat.
Atuuffiit sinneruttut sisamat qaavatigut akisussaaffimmik suliassanilluunniit ilaqarput, assersuutigalugu suliffeqarfissinni MitID Erhverv-imik atuisunik atutsinermut akisussaaffik.
Pisinnaatitaaffiit
MitID Erhverv-imi pisinnaatitaaffiit suliffeqarfissinni sulisut isernissaannut periarfissippai imaluunniit imminut sullissivinni suliassanik aalajangersimasunik suliaqarsinnaatillugit, assersuutigalugu NemRefusion-imi utertitsinissamut qinnuteqaasiornerni.
Inuussutissarsiuteqartunut pisinnaatitsissutit
Suliffeqarfissi assersuutigalugu suliffeqarfiup avataanit kukkunersiuisumit, eqqartuussissuserisumit imaluunniit allaffissornikkut sullissisunit ikiorneqartarpat inuussutissarsiuteqartunut pisinnaatitsissutilersinnaavarsi sinnerlusi digitalimik iliuuseqarsinnaalersillugit.
Akuersissutit
MitID Erhverv-imi akuersissutinik tunniussisinnaavusi. Akuersissutit pisariaqartippasi assersuutigalugu e-mailit isumannaatsut atugarigussigit imaluunniit MitID Erhverv-imut systemintegrationeqarussi.
Sammisat attuumassuteqartut allat
MitID Erhverv pillugu nalinginnaasumik paasisaqarsinnaavusi quppernerni tulliuttuni:
Quppernerni tulliuttuni uku pillugit ilitsersorneqarsinnaavusi:
- MitID Erhverv-imut atassuserneqarneq
- MitiD Erhverv-imik atuinissamut
- atuuffinnik annertunerusunik atuutilersitsinermut.