MitID Erhverv immikkut pisariaqartitsinermi atuisunut akuersissutinik suliffeqarfimmilu akuersissutinik neqerooruteqarpoq.
Akuersissutit
MitID Erhverv aallarniutitut akuersissutinik tunngaveqanngilaq. Suliffeqarfiit amerlanerpaartaat taamaammat akuersissutinik inniminniisariaqassanngillat tunniussillutilluunniit.
Suliffeqarfiilli ilaqarput immikkut pisariaqartitsinerni akuersissutinik tunniussisariaqartunik, assersuutigalugu e-mailit isumannaatsunut imaluunniit systemimit systemimut attaveqatigiinnernut.
MitID Erhverv taamaammat akuersissutinik assigiinngitsunik marlunnik neqerooruteqarpoq:
- Atuisunut akuersissutit
- Suliffeqarfimmut akuersissutit
Atuisunut akuersissutit
Atuisunut akuersissut kinaassutsimik digitalimik uppernarsaataavoq atuisoq pillugu paasissutissanik arlalinnik imaqartoq. Atuisup akuersissut kinaassutsiminik uppernarsaatitut atorsinnaavaa.
MitID Erhverv-imi atuisoq iserpat imaluunniit digitalimik atsiorpat akuersissuteqarnissaq pisariaqanngilaq. Immikkuullarissunilli kiffartuussinerit isernissamut atsiornissamulluunniit akuersissut atorlugu atuisup kinaanerminik uppernarsaasinnaanissaanik piumasaqaatitaqarput.
Akuersissutit isumannaatsumik e-mailinut aamma atorneqartarput. MitID Erhverv isumannaatsumik e-mailinut toqqaannartumik ikorfartuinngilaq, kisianni assersuutigalugu suleqatissinnut isumannaatsumik e-mailinik nassiussinermut atorsinnaasassinnik akuersissutinik tunniussinissamut aallernissamullu periarfissaqarpoq.
Malugiuk isumannaatsunik e-mailinut akuersissutinik atuineq software-inik Digitaliseringstyrelsimit supportererneqanngitsunik immikkut ikkussuinissamik pisariaqartitsimmat.
Suliffeqarfissinni atuisunik aqutsisut akuersissutinik inniminniissapput atuisullu namminneq aallissallutik.
Akuersissut ukiuni pingasuni atuuttarpoq kingornalu nutarterneqassalluni.
Assersuutigalugu atuisunut akuersissutinik qanoq inniminniissanerlutit, piiaassanerlutik mattussissanerlutilluunniit allornikkaartumik ilitsersuutit nassaarikkit:
Suliffeqarfimmut akuersissutit
Suliffeqarfimmi akuersissutit suliffeqarfiup kinaassusaanik uppernarsaanermut atorneqartarput suliffeqarfik internetsikkut kiffartuussinernut kiffartuussinernillu neqerooruteqartunut allanut isersinnaassagaangat.
Kiffartuussivinnut kiffartuussivinniillu paasissutissat ingerlasut ilisarnarunnaarsarneqarnissaannut aamma atorneqarsinnaapput.
Suliffeqarfissinni akuersissutit assigiinngitsut marluk atorneqarsinnaapput:
- Suliffeqarfimmut akuersissut suliffeqarfissinnut sinniisuunissamut atugassaavoq. Akuersissummi inuup aqqanik allassimasoqanngilaq akuersissullu nalinginnaasumik suliffeqarfiup aqqanik, CVR-normuanik e-mailianillu taamaallaat imartarluni.
- Systemimut akuersissut suliffeqarfimmut immikkuullarissunngorlugu akuersissutaavoq. Systemimut akuersissut suliffeqarfissinni systemimik aalajangersimasumik sinniisaavoq. Akuersissut systemimik atuutilersitsinissamut atuinissamullu atorneqartarpoq systeminut allanut kinaassusermik uppernarsaataalluni systemillu akornanni ingerlaartunik ilisarnarunnaarsitsisarluni.
Akuersissut ukiuni pingasuni atuuttarpoq kingornalu nutarterneqassalluni.
Assersuutigalugu suliffeqarfimmut akuersissutinik qanoq inniminniissanerlutit, piiaassanerlutik nutarterissanerlutilluunniit allornikkaartumik ilitsersuutit nassaarikkit:
Suliffeqarfiup akuersissutaanik aqutsineq (qallunaatut)
Suliffeqarfimmut akuersissutit atorlugit suliffeqarfimmut segl-imik pilersitsisinnaavusi. Suliffeqarfinnut seglit inuit atsiornerisulli atuuttarput. Imaappoq, suliffeqarfissinni MitID Erhverv-imik atuisut suliffeqarfik sinnerlugu atsiorsinnaappt atuisup aqqa nuisinnagu.
Piginnaassutsimik akuersissutit
Piginnaassutsimik akuersissutinik sivisuumik atorneqarsinnaasunik Digitaliseringstyrelse massakkut neqerooruteqanngilaq.
Atsiornissamik aaqqiissut QSCD-mik ilaqarpoq. Aaqqiissummut akuersissutit sivikitsuinnarmik atorneqarsinnaapput ataannartussaanatillu. Allanut atatillugit taamaammat atorneqarsinnaanngillat.
MitID Erhverv-imi akuersissutinik qanoq tunniussisinnaanissassinnik misilittaanissaq pisariaqartippisiuk?
Akuersissutinik tunniussinernik misileraaffigisinnaasassinnik integrationstestmiljømi misileraatitut suliffeqarfimmik pilersitsigitsi:
MitID Erhverv-imi integratiionstestmiljø: MitID Erhverv-imi atuuffiit misilittakkit
Tamanut akuersissutinik paasissutissaasivik (OCDB)
Tamanut akuersissutinik paasissutissaasivik (OCDB) pisortani akuersissutinik ataatsimut katersuisarpoq. Akuersissutit oqartussaasut, suliffeqarfiit IT-millu systemit akornanni digitalimik isumannaatsumik attaveqaqatigiinnermut atorneqartarput.
Akuersissut OCDB-mi saqqummersinneqarpat akuersissut ujarneqarsinnaanngussaaq allaniillu ammarneqarsinnaanngorluni, assersuutigalugu pisariaqartinneqarpat:
- paasissutissanik paasiuminaallisakkanik nassiussinissaq
- nassiussisup kinaassusaanik uppernarsaanissaq.
Ilaatigut pisariaqartinneqarpoq uku ikkussorneqartussaatillugit:
- Digitalimik Allakkat (ass. e-Boks)
- Paasissutissanik agguaasoq
- Eqqartuussivikkoortumik nalunaarsuineq.
Suliffeqarfissinni atuisunik aqutsisorsi MitID Erhverv-imi suliffeqarfimmut atuisunulluunniit akuersissutinik pilersitsigaangat akuersissutip OCDB-mi saqqummersinneqarnissaa aalajangersinnaavaa. Suliffeqarfissi aalajangissavaa akuersissut tamanit pissarsiarineqarsinnaassanersoq. Malugiuk, pilersitsinerup kingorna aalajangernersi allanngortissinnaannginnassiuk.
Pingaaruteqarpoq akuersissut saqqummiunneqassammat aatsaat:
- tamanut ikkussuussani atorneqartussaappat
- paasissutissanik mianernartunik imaqanngippat.
Akuersissutit saqqummiunneqarnissaat qanoq toqqarsinnaanerissi uani paasisaqarfigisiuk:
Akuersissutit tamanit atorneqarsinnaasut allagarsiinermut kiffartuussivinni, soorlu MitID Erhverv-imi, LDAP-mi il.il. nassaarineqarsinnaapput.
Allagarsiinermut kiffartuussivik MitID Erhverv-imi uani nassaariuk:
MitID Erhverv: Akuersissut ujaruk (qallunaatut)
Akuersissutinik ujaasiniarussi ilaatigut e-mailinik paasiuminaallisakkanik tigusisussap e-mailia pisariaqartissavarsi.
LDAP-mi allagarsiinermut kiffartuussivik uani nassaarineqarsinnaavoq:
ldap://ldap.ca1.gov.dk
Akuersissut ilaatigut uunga atorneqassaaq:
- digitalimik atsiornernik uppernarsaanermut
- attaveqaqatigiinnermik paasiuminaallisaanermut
- tamanut systemini API-nilu akuersinerni.
Tamanut akuersissutinik paasissutissaasivik (OCDB) pillugu apeqqutigineqakkajuttartut
OCDB tamanut akuersissutinik ataatsimut katersuisarpoq, taamaalillutik systeminit oqartussaniillu allanit assersuutigalugu akuersissutinik uppernarsaanermut isumannaatsumilluunniit attaveqaqatigiinnermut atorneqarsinnaallutik.
Suliffeqarfissi akuersissummik OCDB-mi saqqummiussisariaqarpoq ukununnga atorneqassappat:
- Allakkat Digitaliusut, e-Boks-ip imaluunniit Paasissutissanik agguaasup ikkussornissaanut
- akuersissummik uppernarsaanermik piumasaqaatilimmik pisortani systeminut attaveqaqateqarnermi
- imminut sullissivinni paasiuminaallisaanermi/atsiornermi, illuatungerisap akuersissummik pisariaqartitsitillugu.
Suliffeqarfissinni atuisunik aqutsisup akuersissutip pilersinnerani saqqummersinneqartussatut toqqarsinnaavaa. Malugiuk, pilersinnerani taamaallaat saqqummersinneqarnissaa aalajangersinnaagassiuk.
Ilitsersuutit tulliuttut atuakkit:
Akuersissutit ilaatigut MitID Erhverv aamma LDAP aqqutigalugit nassaarineqarsinnaapput:
- MitID Erhverv: Akuersissut ujaruk (qallunaatut)
- ldap://ldap.ca1.gov.dk
Atuisunik aqutsisup akisussaaffigaa:
- akuersissutip saqqummiunneqassanerata aalajangernissaa
- akuersissutip paasissutissanik mianernartunik imaqannginnissaata qulakkeernissaa
- pisariaqarpat akuersissutit utertinnissaat.
Akuersissut suliffeqarfiup iluani systeminiluunniit matoqqasuni atorneqarsinnaapput. Allaniilli OCDB aqqutigalugu atorneqarsinnaassanngillat taamaammallu tamanut ikkussuussat ilaanni atorneqarsinnaanatik.
E-mailit isumannaatsut
Isumannaatsumik e-mailit MitID Erhverv-imit toqqaannartumik ikorfartorneqanngillat. MitID Erhverv-imili neqeroorutigineqarpoq suliffeqarfissi suleqatigisassinnut e-mailinik isumannaatsunik nassiussinissamut akuersissutit atorsinnaasasi aanissaanik.
E-mailit isumannaatsut pillugit ilitsersuut naatsoq uani atuaruk:
Sammisat attuumassuteqartut allat
MitID Erhverv-imi atuuffiit pillugit paasisaqarnerusinnaavutit:
MitID appi, kodenik nuisitsivik, kodenik atuaasartoq chippilu
MitID Erhverv pillugu nalinginnaasumik paasisaqarsinnaavusi quppernerni tulliuttuni: