MitID Erhverv tallimanik assigiinngitsunik atuuffeqarpoq. MitID Erhverv-imi atuuffiit sorliit qanoq akisussaaffinnik suliassanillu sunik tunisisarnersut tamakkiisumik takukkit.
MitID Erhverv-imi atuuffiit assigiinngitsut katillugit tallimaapput:
- Atuisoq
- Suliffeqarfimmi aqutsisoq
- Atuisunut aqutsisoq
- Pisinnaatitaaffinnik aqutsisoq
- Sulisoq tatigisaq (kommuninut kisiat attuumassuteqarpoq)
Atuuffiit assigiinngitsut akisussaaffinnik suliassanillu sorlernik imaqarnersut ataani tamakkiisumik takusinnaavatit.
Atuisoq
MitID Erhverv-imi atuisoq allanik atuuffeqarani MitID Erhverv-imik atuisuuvoq. Atuisoq suliffeqarfik sinnerlugu digitalimik MitID Erhverv atorlugu isersinnaavoq imaluunniit atsiorluni.
Atuisoq MitID Erhverv-imut iserpat atuisoq:
- namminerisamik MitID-mik atuissanerluni qanoq akulikitsigisumik aperineqartarnissamut aalajangiunneqarsimasunik allannguisinnaavoq
- suliffeqarfik sinnerlugu assersuutigalugu NemRefusion-imit utertitsinissamut qinnuteqarsinnaatitaanissamik noqqaassuteqarsinnaavoq. Suliffeqarfiilli ilai MitID Erhverv-imi pisinnaatitaaffinnik qanoq aqutsinissamut nammineq periuseqarput. Nammineq suliffeqarfigisami pisinnaatitaaffinnik aqutsisumut attaveqarnissaq taamaammat isumassarsiatsialaavoq.
MitID Erhverv-imi atuisup aamma takusinnaavai:
- atuisup nammineq tunngaviusumik paasissutissaatini
- atuisup kinaanermik uppernarsaassutini (MitID app, kodenik nuisitsivik, kodenik atuaasartoq chippiluunniit) sorleq atugarineraa
- atuisoq qanoq pisinnaatitaaffeqarnersoq
- atuisup MitID Erhverv-imi pissusilersorsimaneranut takussutissat.
Suliffeqarfimmi aqutsisoq
Suliffeqarfimmi aqutsisup akisussaaffigai:
- suliffeqarfissi MitID Erhverv-imi ikkussornissaa
- atuuffinnik assigiinngitsunik tunniussineq, soorlu MitID Erhverv-imi aqutsisutut atuuffiit imaluunniit sulisutut tatigisatut
- atuisunik ataatsimoortunik eqimattakkaanik pilersitsineq aqutsinerluunniit
- suliffeqarfimmi akuersissutit tunniunneqareersimasut inissitsiternerisa takunissaat
- inuussutissarsiuteqartunut pisinnaatitsissutinik suliffeqarfiup avataaniittunut soorlu kukkunersiuisartunut eqqartuussissuserisunulluunniit suliffeqarfik sinnerlugu digitalimik iliuuseqarsinnaatitsissutinik aqutsineq
- suliffeqarfissinni MitID Erhverv-imi inissitsiterineq
Suliffeqarfimmi aqutsisoq aamma assersuutigalugu erninermi sulinngiffeqarnernik nalunaarsuisinnaanermik, tamanna suliffeqarfimmi aqutsisumit pingaarnertut akisussaaffigineqaraluartoq, pisinnaatitaaffinnik aamma tunniussisinnaavoq.
MitID Erhverv-imi suliffeqarfimmi ataatsimi suliffeqarfimmi aqutsisut qanoq amerlatiginissaannut killiliisoqarsimanngilaq. Suliffeqarfimmi aqutsisoq suliffeqarfimmi aqutsisuunermi saniatigut allanik arlalinnik aamma atuuffeqarsinnaavoq. Inuk ataaseq assersuutigalugu suliffeqarfimmi aqutsisuusinnaavoq pisinnaatitaaffinnillu aqutsisuulluni.
Suliffeqarfimmi aqutsisut suliassaat immikkuualuttut ataani atuarsinnaavatit.
Suliffeqarfissi ilannguppat suliffeqarfiup MitID Erhverv-imi ikkussorneqarnissaa suliffeqarfimmi aqutsisup suliassarissavaa.
Suliffeqarfimmi aqutsisup assersuutigalugu isummerfigissavaa:
- suliffeqarfimmi atuisut suliffeqarfitsik sinnerlugu digitalimik iliuuseqaraangamik namminerisamik MitID-ertik imaluunniit/aamma immikkut MitID atorlugu isissapput
- suliffeqarfimmi aqutsisoq suliffeqarfik sinnerlugu iliuuseqaraangami namminerisamik MitID-ni imaluunniit/aamma immikkut MitID atirlugu isissaaq.
Isernissamut periarfissat pillugit MitID Erhverv-imi paasisaqarnerugit:
Suliffeqarfimmi aqutsisup MitID Erhverv-imi atuuffinnik tunniusineq akisussaaffigaa. Suliffeqarfimmi aqutsisup MitID Erhverv-imi atuuffiit tunniussinnaasai tassaapput:
- suliffeqarfimmi aqutsisoq
- Atuisunut aqutsisoq
- Pisinnaatitaaffinnik aqutsisoq
- Sulisoq tatigisaq (kommuninut kisiat attuumassuteqarpoq).
Suliffeqarfimmi aqutsisutut MitID Erhverv-imi atuuffinnik qanoq tunniussisinnaanerlutit paasisaqarnerugit:
Aqutsisutut atuuffinnik imaluunniit sulisutut tatigisatut atuuffimmik tunniussigit (qallunaatut)
MitID Erhverv-imi atuisut eqimattakkaat tassaapput atuisut MitID Erhverv-imi assigiinnik pisinnaatitaaffillit ataatsimoortut. MitID Erhverv-imi pisinnaatitaaffik isernissamut imaluunniit imminut sullissivinni suliassanik aalajangersimasunik suliaqarnissanut pisinnaatitsivoq, assersuutigalugu NemRefusion-imi utertitsinissamut qinnuteqaasiornerni.
MitID Erhverv-imi atuisunik eqimattaqarnikkut suliffeqarfik atuisunut arlalinnut ataatsikkut pisinnaatitaaffinnik tunniussisinnaavoq aqutsillunilu. Suliffeqarfik taamaalilluni atuisunut ataasiakkaarilluni pisinnaatitaaffinnik tunniussisariaqassanngilaq.
Suliffeqarfimmi aqutsisoq MitID Erhverv-imut iserpat suliffeqarfimmi aqutsisoq:
- atuisunik eqimattanik pilersitsisinnaavoq peersillunilu
- atuisunut eqimattanut pisinnaatitaaffinnik ikkussilluni
- eqimattat pisinnaatitaaffiannik killiliisinnaalluni suliffeqarfimmi P-enhedimut imaluunniit SE-normumut aalajangersimasumut killilerlugit.
Atuisunik eqimattanik pilersitsineq peersinerluunniit (qallunaatut)
Atuisunut eqimattanut pisinnaatitaaffinnik tunniussineq peersinerluunniit (qallunaatut)
Atuisuni eqimattani atuisumik ikkussine peersinerluunniit (qallunaatut)
MitID Erhverv atuisunut akuersissutit suliffeqarfimmilu akuersissutit neqerooruteqarpoq Suliffeqarfimmi aqutsisumit akuerineqarsimappat suliffeqarfik MitID Erhverv-imi akuersissutinik tunniussillunilu atuisinnaassasoq, taava akuersissutit inissitsiterneqarnerannik suliffeqarfimmi aqutsisoq aamma iluarsiissuteqarsinnaavoq.
Suliffeqarfimmi aqutsisoq MitID Erhverv-imut iserpat suliffeqarfimmi aqutsisoq suliffeqarfimmi akuersissutit tunniunneqarsimasut allattorneqarsimanerat takusinnaavai uppernarsaatillu ataasiakkaat inissitsiterneqarsimanerat takusinnaallugit:
- Systemimi pisinnaatitaaffiit: Akuersissut MitID Erhverv-imi IdM Services-inut isersinnaanersoq imaluunniit akuersissutinik inniminniinissanut, tunniussinernut mattussinernulluunniit periarfissaqarnersoq.
- Segl-inik pilersitsineq: Akuersissut suliffeqarfik sinnerlugu atsiornissamut atorneqarsinnaanersoq.
MitID Erhverv-imi akuersissutit tamarmik paasissutissallu taakkununnga tunngasut toqqagassami “Akuersissutit”-ni takuneqarsinnaapput. Akuersissutit MitID Erhverv-imilu taakku atorlugit periarfissat pillugit paasisaqarnerugit.
Malugiuk, suliffeqarfimmi aqutsisoq akuersissutit inissitsitersimanerannik iluarsiinissamut pisinnaatitaaffeqanngimmat. Atuisunik aqutsisoq kisimi taamaaliorsinnaavoq. Atuisunik aqutsisoq kisimi aamma atuisunut akuersissutinik tunniussaqarsinnaavoq.
Inuussutissarsiuteqartunut pisinnaatitsissutit tassaapput suliffeqarfissinnit suliffeqarfimmut allamut tunniunneqarsinnaasut, soorlu kukkunersiuisartumut eqqartuussissuserisumulluunniit, taamaalilluni suliffeqarfik alla ilissi sinnerlusi digitalimik iliuuseqarsinnaalluni.
Inuussutissarsiuteqartunut pisinnaatitsissut
Suliffeqarfissinni aqutsisoq MitID Erhverv-imi:
- inuussutissarsiuteqartunut pisinnaatitsissutinik tunniussaqarsinnaavoq
- inuussutissarsiuteqartunut pisinnaatitsissummik qinnuteqaatinik akuersisinnaavoq itigartitsilluniluunniit
- inuussutissarsiuteqartunut piginnaatitsissummik suliffeqarfimmut allamut qinnuteqarsinnaavoq
- pisinnaatitsissutinik eqimattaliorsinnaavoq, suliffeqarfik taamaalilluni suliffeqarfimmi sulisut sorliit inuussutissarsiuteqartunut pisinnaatitsissummik peqassanersut oqinnerusumik aqussinnaallugu.
Pisinnaatitsissutinut aqutsisoq pisinnaatitsissutinut eqimattakkaani sulisunik ilanngussinissamik peersinissamilluunniit akisussaaffeqarpoq.
Pisinnaatitsissutinik pilersitsineq, noqqaaneq aqutsinerlu (qallunaatut)
Suliffeqarfimmi aqutsisoq MitID Erhverv-imut iserpat inissitsiterinernik aaqqissuussisinnaapput nalimmassaallutilluunniit. Assersuutigalugu:
- suliffeqarfik MitID Erhverv-imit akiligassanik qanoq tigusisarusunnersoq
- sulisut MitID Erhverv-imi qanoq pilersinneqartassanersut
- suliffeqarfimmi sulisut suliffeqarfik sinnerlugu namminerisamik MitID atorlugu isersinnaassanersut
- suliffeqarfimmi sulisut suliffeqarfik sinnerlugu iserniaraangata kinaassutsimik uppernarsaassutit suut atortassaneraat - tassaasinnaavoq MitID app, kodenik nuisitsivik, kodenik atuaasartoq chippiluunniit
- suliffeqarfimmi akuersissutit qanoq ittut tunniunneqarsinnaanersut qanorlu inissitsiterlugit.
MitID appi, kodenik nuisitsivik, kodenik atuaasartoq chippilu
Atuisunut aqutsisoq
MitID Erhverv-imi atuisunik aqutsisut akisussaaffigaat:
- MitID Erhverv-imi atuisunik aqutsineq, assersuutigalugu atuisunik nutaanik pilersitsineq, atuisut pillugit paasissutissanik aaqqissuussineq atuisunillu piiaaneq
- atuisuni eqimattakkaani atuisunik aqutsineq
- akuersissutit aqutsineq
- suliffeqarfiup MitID Erhverv-imi inissitsiterneqarsimaneranik takunnissinnaaneq ataasiakkaanillu nalimmassaaneq.
MitID Erhverv-imi suliffeqarfimmi ataatsimi atuisunik aqutsisut qanoq amerlatiginissaannut killiliisoqarsimanngilaq. Atuisunik aqutsisoq arlalinnik ataatsikkut aamma atuuffeqarsinnaavoq. Inuk assersuutigalugu atuisunik aqutsisuusinnaavoq pisinnaatitaaffinnillu aqutsisuulluni.
Atuisunik aqutsisut suliassaat pillugit annertunerusumik ataani paasisaqarit.
Atuisunik aqutsisut suliassaasa pingaarnersaraat MitID Erhverv-imi atuisunik aqutsineq. Atuisunik aqutsisoq MitID Erhverv-imut iserpat atuisunik aqutsisoq ilaatigut:
- atuisunik nutaanik pilersitsisinnaavoq
- kinaanermik uppernarsaanermut atortunik tunniussisinnaavoq
- atuisunik pilersitsillunilu piiaasinnaavoq.
Atiosimnol aqitsospq aamma atuisunik arlalinnik ataatsikkut pilersitsisinnaavoq, aaqqissuilluni piiaallunilu.
Atuisunik pilersitsineq, aaqqissuussineq, piiaaneq ataatsikkulluunniit pilersitsineq (qallunaatut)
MitID Erhverv-imi atuisut eqimattakkaat tassaapput atuisut assigiinnik pisinnaatitaaffillit. MitID Erhverv-imi pisinnaatitaaffik imminut sullissivinni suliassanik aalajangersimasunik suliaqarnissanut periarfissiivoq pisinnaatitsillunilluunniit, assersuutigalugu NemRefusion-imi utertitsinissamut qinnuteqaasiornerni.
MitID Erhverv-imi atuisunik eqimattaqarnikkut suliffeqarfik atuisunut arlalinnut ataatsikkut pisinnaatitaaffinnik tunniussisinnaavoq aqutsillunilu. Suliffeqarfik taamaalilluni atuisunut ataasiakkaarilluni pisinnaatitaaffinnik tunniussisariaqassanngilaq.
Atuisunik aqutsisoq MitID Erhverv-imut iserpat atuisunik aqutsisoq atuisuni eqimattani atuisumik, qanorluunniit atuisoq suliffeqarfigisami allamiluunniit atorfeqaraluarpat ilanngussisinnaavoq peersitsilluniluunniit.
Atuisunik aqutsisoq pioreersunik atuisunik eqimattanik pilersitsisinnaanngilaq imaluunniit atuisunut eqimattanik pisinnaatitsissutinik tunniussilluni. Tamanna suliffeqarfimmi aqutsisup suliassaraa.
Atuisuni eqimattani atuisumik ikkussine peersinerluunniit (qallunaatut)
Suliffeqarfissi MitID Erhverv-imi akuersissutinik tunniussillunilu atuisinnaanissaa suiffeqarfimmi aqutsisussinnit akuerineqarpat aatsaat akuersissutinik aqutsisinnaaneq takuneqarsinnaalissaaq.
MitID Erhverv atuisunut akuersissutinik suliffeqarfimmilu akuersissutinik neqerooruteqarpoq Akuersissutit assigiinngitsut taakku marluk pillugit uani paasisaqarnerugit:
Atuisunik aqutsisoq MitID Erhverv-imut iserpat suliffeqarfiup akuersissutaanik aqutsisinnaavoq. Atuisunik aqutsisup assersuutigalugu:
- suliffeqarfimmi akuersissutit allattorsimaffianik takunnissinnaavoq
- atuisunut imaluunniit suliffeqarfimmut akuersissummik qinnuteqarsinnaavoq
- atuisup imaluunniit suliffeqarfiup akuersissutaanik aallersinnaavoq
- akuersissutinik matusineq.
MitID Erhverv-imi atuisunik aqutsoq suliffeqarfimmut inissitsiterneqarsimasut takusinnaavai, assersuutigalugit:
- suliffeqarfik MitID Erhverv-imit akiligassanik qanoq tigusisarusunnersoq
- sulisut MitID Erhverv-imi qanoq pilersinneqartassanersut
- suliffeqarfimmi sulisut suliffeqarfik sinnerlugu namminerisamik MitID atorlugu isersinnaassanersut
- suliffeqarfimmi sulisut suliffeqarfik sinnerlugu iserniaraangata kinaassutsimik uppernarsaassutit suut atortassaneraat - assersuutigalugu MitID app, kodenik nuisitsivik, kodenik atuaasartoq chippiluunniit
- suliffeqarfimmi akuersissutit qanoq ittut tunniunneqarsinnaanersut.
Atuisunik aqutsisup nammineerluni MitID Erhverv-imit nalunaarutit e-mail atorlugu aamma nassiunneqartassanersut allanngortissinnaavaa.
MitID Erhverv-imi nalunaarutinut inissitsiterinerit allanngortikkit (qallunaatut)
Malugiuk, atuisunut aqutsisutut ataani inissitsiterinerit allanngortissinnaannginnakkit, takusinnaavatilli:
Akuersissutinut segl-inik pilersitsinermut inissitsiterinerit allanngortikkit (qallunaatut)
Pisinnaatitaaffinnik aqutsisoq
MitID Erhverv-imi pisinnaatitaaffinnik aqutsisup akisussaaffigai:
- pisinnaatitaaffinnik tunniussineq peersinerluunniit, assersuutigalugu erninermi sulinngiffeqarnermik nalunaarutiginninneq
- suliffeqarfimmut atsiornissamut pisinnaatitaaffimmik tunniussineq, segl-imik pilersitsinertut taaneqartartoq
- atuisunik eqimattanit, suliffeqarfimmi aqutsisumit pilersinneqarsimasumit, atuisumik ilanngussineq peersinerluunniit
- suliffeqarfimmi akuersissutigineqartut allattorsimaffiannik akuersissutillu inissitsiterneqarsimanerannik takunninneq, soorlu systemimi pisinnaatitaaffinnik segl-inillu pilersitsinermik
- piginnaatitsissutini atuisunik suliffeqarfiup suliffeqarfimmit allamit innuttaasumilluunniit tigusimasaanik ilanngussineq peersinerluunniit
- suliffeqarfimmi allami atuisummut aalajangersimasumut inuussutissarsiuteqartunut pisinnaatitsissummik tunniussineq peersinerluunniit
- MitID Erhverv-imi nalunaarutinut perusutaminik iluarsiineq.
MitID Erhverv-imi suliffeqarfimmi ataatsimi pisinnaatitaaffinnik aqutsisut qanoq amerlatiginissaannut killiliisoqarsimanngilaq.
Pisinnaatitaaffinnik aqutsisoq arlalinnik ataatsikkut aamma atuuffeqarsinnaavoq. Inuk assersuutigalugu pisinnaatitaaffinnik aqutsisuusinnaavoq atuisunillu aqutsisuulluni.
Pisinnaatitaaffinnik aqutsisut suliassai pillugit itinerusumik ataani paasiniaasinnaavutit.
MitID Erhverv-imi pisinnaatitaaffik imminut sullissivinni suliassanik aalajangersimasunik suliaqarnissanut periarfissiivoq pisinnaatitsillunilluunniit, assersuutigalugu NemRefusion-imi utertitsinissamut qinnuteqaasiornerni.
Pisinnaatitaaffinnik aqutsisoq MitID Erhverv-imut iserpat pisinnaatitaaffinnik aqutsisoq:
- atuisunut pisinnaatitaaffinnik tunniussisinanavoq
- atuisunut pisinnaatitaaffinnik peersisinnaavoq
- atuisunik eqimattanut suliffeqarfimmi aqutsisumit pilersinneqarsimasumi atuisunut pisinnaatitaaffinnik tunniussineq.
Pisinnaatitaaffinnik aqutsisoq suliffeqarfimmi avataanilu atuisunik eqimattani atuisunik pilersitsinikkut pisinnaatitaaffinnik tunniussaqarsinnaavoq.
Pisinnaatitaaffinnik aqutsisup aamma takusinnaavaa tunisassiornermut immikkoortortaq (P-normu/SE-normu) sorleq atuisumit suliffigineqarnersoq.
Pisinnaatitaaffinnik tunniussineq peersinerluunniit (qallunaatut)
MitID Erhverv-imi atuisut eqimattakkaat tassaapput atuisut MitID Erhverv-imi assigiinnik pisinnaatitaaffillit ataatsimoortut. MitID Erhverv-imi pisinnaatitaaffik isernissamut imaluunniit imminut sullissivinni suliassanik aalajangersimasunik suliaqarnissanut pisinnaatitsivoq, assersuutigalugu NemRefusion-imi utertitsinissamut qinnuteqaasiornerni.
Inuussutissarsiuteqartunut pisinnaatitsissut
Suliffeqarfimmi aqutsisoq atuisunik eqimattanik pilersitsisarpoq. Pisinnaatitaaffinnik aqutsisoq atuisunik eqimattani atuisunik aqutsisinnaavoq. Pisinnaatitaaffinnik aqutsisoq suliffeqarfimmi avataanilu atuisunik eqimattanut atuisunik ilanngussisinnaavoq peersitsilluniluunniit.
Atuisuni eqimattani atuisumik ikkussine peersinerluunniit (qallunaatut)
Suliffeqarfiit suliffeqarfimmit allamit innuttaasumilluunniit piginnaatitsissummit tunineqarsinnaavoq taakku sinnerlugit iliuuseqarsinnaaniassagassi.
Inuussutissarsiuteqartunut pisinnaaritsissutit
Pisinnaatitaaffinnik aqutsisoq MitID Erhverv-imut iserpat pisinnaatitaaffinnik aqutsisoq:
- suliffeqarfiup pisinnaatitsissutaanut atuisunik ilanngussineq
- suliffeqarfiup pisinnaatitsissutaanit atuisunik peersineq.
Suliffeqarfissi MitID Erhverv-imi akuersissutinik tunniussillunilu atuisinnaanissaa suiffeqarfimmi aqutsisussinnit akuerineqarpat aatsaat suliffeqarfimmi akuersissutit inissitsiterneqarsimanerallu takuneqarsinnaalissapput.
Pisinnaatitaaffinnik aqutsisoq MitID Erhverv-imut iserpat pisinnaatitaaffinnik aqutsissup susliffeqarfimmi akuersissutit allattorsimaffiat takusinnaalissavai.
Pisinnaatitaaffinnik aqutsisup akuersissutinut inissitsiterinerit MitID Erhverv-imi aamma takusinnaavai:
- Suliffeqarfiup suliffeqarfimmi akuersissutit avataanit API’nut assigisaanullu atatillugit SSL-inut atortarnerai.
- Suliffeqarfimmi akuersissutit segl-inik pilersitsinermut atorneqarsinnaanersut: Suliffeqarfik sinnerlugu atsiornermut.
Inuussutissarsiuteqartunut pisinnaatitsissuteqarluni suliffeqarfissi suliffeqarfik allamik CVR-normoqartoq suliffeqarfissi sinnerlugu isersinnaalersinneqarsinnaavoq imaluunniit digitalimik sinnerlusi iliuuseqarluni. Assersuutigalugu tamanna naleqqutissaaq kukkunersiuisorsi suliffeqarfissi sinnerlugu napparsimasunik nalunaaruteqartartussaappat.
Pisinnaatitaaffinnik aqutsisup MitID Erhverv-imut iserpat pisinnaatitaaffinnik aqutsisoq suliffeqarfimmi allami atuisoq aalajangersimasoq inussutissarsiuteqartunut pisinnaatitsissummik tunisinnaavaa.
Pisinnaatitsissutinik pilersitsineq, noqqaaneq aqutsinerlu (qallunaatut)
Pisinnaatitaaffinnik aqutsisoq pisinnaatitsissummik tunniussisinaanngilaq suliffeqarfik CVR-normumut pisinnaatitsissummik tunniussissappat. Suliffeqarfimmi aqutsisoq taamaallaat taamaaliorsinnaavoq.
Pisinnaatitaaffinnik aqutsisup nammineerluni MitID Erhverv-imit nalunaarutit e-mail atorlugu aamma nassiunneqartassanersut allanngortissinnaavaa.
MitID Erhverv-imi nalunaarutinut inissitsiterinerit allanngortikkit (qallunaatut)
Sulisoq tatigisaq (kommuninut kisimi attuumassuteqartoq)
Sulisoq tatigisaq tassaavoq kommunimi sulisoq kommuni sinnerlugu immikkut atuuffeqartussaq. Immikkut atuuffigaa Digital Fuldmagt-imi pisinnaatitsissutinik pilersitsinermik innuttaasunik qanigisaannillu ikiuineq. Kommunini suliffeqarfittut tatigisatut pilersinneqarsimasuni kisimi atuuffik taanna pissarsiarineqarsinnaavoq.
Kommunimi suliffeqarfimmi aqutsisuuvoq sulisutut tatigisatut atuuffimmik tunniussillunilu peersisinnaasoq.
Digital Fuldmagt pillugu sulisunut tatigisanut attuumassuteqartunik NemLog-in.dk-mi katersuisimavugut:
NemLog-in.dk: Digital Fuldmagt - sulisunut tatigisanut iluaqutaasussat (qallunaatut)
Sammisat attuumassuteqartut allat
MitID Erhverv-imi atuuffiit pillugit paasisaqarnerusinnaavutit:
MitID appi, kodenik nuisitsivik, kodenik atuaasartoq chippilu
MitID Erhverv pillugu nalinginnaasumik paasisaqarsinnaavusi quppernerni tulliuttuni: