Inuussutissarsiuteqartunut pisinnaatitsissut

Suliffeqarfissi assersuutigalugu suliffeqarfiup avataanit kukkunersiuisumit, eqqartuussissuserisumit imaluunniit allaffissornikkut sullissisunit ikiorneqartariaqarpat inuussutissarsiuteqartunut pisinnaatitsissutilissavarsi sinnerlusi digitalimik iliuuseqarsinnaalersillugit.

Inuussutissarsiutilinnut pisinnaatitsissut atorneqassaaq suliffeqarfissi allat sinnerlugit killormulluunniit iliuuseqartussaasimappat

MitID Erhverv-imi inuussutissarsiuteqartunut pisinnaatitsissuteqarluni suliffeqarfissi suliffeqarfik allamik CVR-normoqartoq suliffeqarfissi sinnerlugu digitalimik nalunaaruteqarsinnaalersissinnaavarsi isersinnaalersilluguluunniit killormulluunniit. Tamanna pissusissamisoorpoq assersuutigalugu suliffeqarfimmit ikiorneqarussi imaluunniit suliffeqarfimmik ikiuigussi soorlu:

kukkunersiuisumit
eqqartuussissuserisumit
allaffissornikkut sullissisumit.

Suliffeqarfissinni ikiuinissamik pineqartoq imaluunniit neqeroorutigineqartoq assersuutigalugu tassaasinnaavoq:

utertitsinissamik qinnuteqarneq
akileraarutinik akitsuutinillu aqutsineq
kisitsisinik nalunaaruteqarneq.

Suliffeqarfimmit allamit ikiorneqartussaagussi

Suliffeqarfissi periarfissat marluk tulliuttut arlaat toqqarsinnaavaat inuussutissarsiuteqartunut pisinnaatitsissutinik pilersitsigaangassi:

Suliffeqarfimmut inuussutissarsiuteqartunut pisinnaatitsissut (suliffeqarfimmi aqutsisumit pilersinneqarsinnaavoq).
Inuussutissarsiuteqartunut pisinnaatitsissut inummut, suliffeqarfimmi inummut aalajangersimasumut tunniunneqartussaq (pisinnaatitaaffinnik aqutsisumit pilersinneqarsinnaavoq).

Suliffeqarfimmut inuussutissarsiuteqartunut pisinnaatitsissummik tunniussigaangassi suliffeqarfiup inuussutissarsiuteqartunut pisinnaatitsissummik tunineqartup nammineq aalajangissavaa suliffeqarfimmi kina suliffeqarfissi sinnerlugu digitalimik iliuuseqartassanersoq.

Suliffeqarfimmit alla ikiorniarussiuk

Suliffeqarfik alla ikiorniarussiuk suliffeqarfik alla ikiorniagarsi MitID Erhverv-imi inuussutissarsiuteqartunut pisinnaatitsissummik noqqaaffigisinnaavarsi. Suliffeqarfimmi aqutsisoq suliffeqarfimmut allamut ikiorniakkamut MitID Erhvervimi inuussutissarsiuteqartunut pisinnaatitsissummik noqqaassuteqarsinnaavoq.

MitID Erhverv-imi inuussutissarsiuteqartunut pisinnaatitsissutit pillugit ilitsersuutit

Ilitsersuutit taakku malissinnaavasi suliffeqarfissi:

inuussutissarsiuteqartunut pisinnaatitsissummik pilersitsiniarpat
inuussutissarsiuteqartunut pisinnaatitsissummik noqqaassuteqarniarpat
MitID Erhverv-imi inuussutissarsiuteqartunut pisinnaatitsissummik suliffeqarfimmut tunniunneqarsimasumik atuiniarpat
inuussutissarsiuteqartunut pisinnaatitsissummik qinnuteqaatinik akuersiniarpat itigartitsilluniluunniit.

Piginnaatitsissutinik pilersitsineq, noqqaaneq aqutsinerlu

Pingaartumik MitID Erhverv-imik atuisut aqutsisut sinniisaattut isertut

Inuppassuaqarpoq MitID Erhverv-imut atassusernatik namminerisamik MitID-mik atuisartut suliffeqarfitsik sinnerlugu digitalimik iliuuseqarniaraangamik. Taakku talinginnaasumik tassaapput suliffeqarfinni aqutsisunut sinniisut imaluunniit peqatigiiffinni peqatigiiffinnut sinniisut. Atuisut taamaattut MitID Privat til Erhverv-imik atuisuupput.

MitID Privat til Erhverv-imi atuisut (qallunaatut)

Suliffeqarfimmi MitID Privat til Erhverv-imik atuisut MitID Erhverv-imut atassuserneqarsimanngitsut MitID Erhverv-imi inuussutissarsiuteqartunut pisinnaatitsissutinik tunniussisinnaanatillu tigusaqarsinnaanngillat. Taarsiullugu Digital Fuldmagt-imi imminut sullissivimmi pisinnaatitsissumnmik pilersitsisinnaapput noqqaassuteqarlutilluunniit.

Digital Fuldmagt-imi imminut sullissivik inummut pisinnaatitsissummik tunniussisoqarsinnaanngilaq, kisimi suliffeqarfimmut tunniussisinnaalluni. Pisinnaatitsissummik pilersitsigaangassi suliffeqarfik alla, imaappoq CVR-normu alla suliffeqarfissi sinnerlugu digitalimik iliuuseqarsinnaalersittarparsi.

Digital Fuldmagt-imi imminut sullissivik pillugu uani paasisaqarnerugit:

Digital Fuldmagt, assersuutigalugu kukkunersiuisumit ikiorneqarnissamik pisariaqartitsigussi

Digital Fuldmagt-imi imminut sullissivimmik qanoq atuinissarsi pillugu ilitsersuutit uani nassaarikkit:

Digital Fuldmagt-imi pisinnaatitsissutinik pilersitsineq, noqqaaneq aqutsinerlu