Ilaannikkooriarlusi pisinnaatitsissutinik MitID Erhverv-imut taarsiullugu Digital Fuldmagt-imi pilersitsisassaasi. Assersuutigalugu kukkunersiuisartumit imaluunniit allaffissornikkut sullissisartumit ikiorneqarnissamik pisariaqartitsigussi taamaaliortariaqarsinnaavusi.
Digital Fuldmagt, assersuutigalugu kukkunersiuisumit ikiorneqarnissamik pisariaqartitsigussi
Pisinnaatitsissummik tunniussiniaraangassi tigusaqarniaraangassiluunniit Digital Fuldmagt atorsiuk
MitID Erhverv-imi suliffeqarfiit suliffeqarfimmut allamut inuussutissarsiuteqartunut pisinnaatitsissummik tunisinnaavaat sinnerlutik digitalimik iliuuseqartussaatillugit, assersuutigalugu imminut sullissivimmi nalunaaruteqarnissani.
MitID Erhverv-imi inuussutissarsiuteqartunut pisinnaatitsissutinut taarsiullugu Digital Fuldmagt-imi imminut sullissivik tunniussinissamut noqqaassuteqarnissamulluunniit atussavarsi:
- MitID Privat til Erhverv-imik atuisuugussi. MitID Privat til Erhverv pillugu ataani paasisaqarnerugit.
- suliffeqarfissi MitID Erhverv-imut atassuserneqarsimanngippat.
Malugiuk, suliffeqarfimmi MitID Erhverv-imut atassuserneqarsimasumi MitID Privat til Erhverv-imik atuisut MitID Erhverv-imi Digital Fuldmagt-imilu imminut sullissivimmi pisinnaatitsissummik pilersitsisinnaammata noqqaassuteqarlutilluunniit.
Suliffeqarfissi atassuserneqarsimanersut ilisimanngikkussiuk MitID Erhverv-imut atassusernissap aallartinneratigut misissorsinnaavarsi. Suliffeqarfissi atassuserneqarsimanersoq takusinnaassvarsi namminerisamik MitID-ersi atirlugu isereerussi. Allattorsimaffimmi suliffeqarfissi nassaarisinnaanngikkussiuk suliffeqarfissi CVR-normuanik allaffigisinnaasassinnik ujalerfeqarpoq.
MitID Erhverv: Atassuserneqarnissamik aallartitsineq (qallunaatut)
MitID Privat til Erhverv-imi atuisut kikkuuppat?
Aqutsisunit sinniisorsi (assersuutigalugu pisortaq, siulersuisuni siulittaasoq) imaluunniit peqatigiiffiup sinniisaa ataani pissutsinut tallimanut akuersisinnaappata MitID Privat til Erhverv-imik atuisuuvusi. Aqutsisut sinniisaat imaluunniit peqatigiiffiup sinniisaa:
- CVR-registerimut nalunaarsorneqarsimavoq
- danskisut CPR-normoqarpoq
- namminerisamik MitID-mik atuivoq, taassumap namminerisamik netbankimut isernissamut atortagaanik, aamma suliffeqarfik imaluunniit peqatigiiffik sinnerlugu digitalimik iliuuseqarniaraangami
- suliffeqarfik peqatigiiffilluunniit sinnerlugu digitalimik iliuuseqarnissamut ingerlaannartumik periarfissinneqarsimappat MitID Erhverv-imut atassusernianngikkaluarluni
- Inukj assersuutigalugu MitID app, kodenik nuisitsivik, kodenik atuaasartoq chippiluunniit atorlugu imminut sullissivimmut isernissamut akuerineqarsimasoq aqutsisut sinniisaattut imaluunnit nammineq inuttut isissanersoq aperineqassaaq. Inuup suliffeqarfik peqatigiiffilluunniit sinnerlugu aqutsisut sinniisaattut isernissaq aalajangiuppagu.
Assersuutit
MitID Erhverv-imi inuussutissarsiuteqartunut pisinnaatitsissutinik qaqugukkut atuisarnersusi qaqugukkullu Digital Fuldmagt-imi imminut sullissivimmik atuisarnerlusi uani paasisaqarnerusinnaavusi. Assersuutit sanasutut suliffeqarfimmik piginnittuunermik imaaliornissamillu tunngaveqarput:
- kukkunersiuisartussinnut pisinnaatitsissummik tunniussineq
- kukkunersiuisussinnit pisinnaatitsissummik noqqaassummik akuersineq.
Sanasutut suliffeqarfissi MitID Erhverv-imut atassuserneqarsimaneranut sukkut pisinnaatitsissummik tunniussinissassinnut noqqaassummilluunniit akuersinissassinnut aalajangiisuuvoq.
Digital Fuldmagt-imi imminut sullissivimmi taamaallaat:
- kukkunersiuisartussinnut pisinnaatitsissummik tunniussineq
- kukkunersiuisussinnit pisinnaatitsissummik noqqaassummik akuersisinnaavusi.
Digital Fuldmagt-imik imminut sullissivimmut uani isersinnaavusi:
Kukkunersiuisumut pisinnaatitsissummik sumiiffinni marlunni tunniussisinnaavusi imaluunniit noqqaassummik akuersillusi:
- MitID Erhverv (qallunaatut)
- Digital Fuldmagt-imi imminut sullissivik (qallunaatut)
Suliffeqarfissi atassuserneqarsimanersoq ilisimanngikkussiuk MitID Erhverv-imut atassusernissap aallartinneratigut misissorsinnaavarsi.
MitID Erhverv: Atassuserneqarnissamik aallartitsineq (qallunaatut)
Digital Fuldmagt-imi imminut sullissivimmi pisinnaatitsissutit pillugit ilitsersuutit
Suliffeqarfissi:
- pisinnaatitsissummik pilersitsiniarpat
- pisinnaatitsissummik noqqaassuteqarniarpat
- pisinnaatitsissummik noqqaassutinik akuersiniarpat itigartitsilluniluunniit
ilitsersuutit uaniittut malissinnaavasi:
Pisinnaatitsissutinik pilersitsineq, noqqaaneq aqutsinerlu (qallunaatut)
Digital Fuldmagt-imi imminut sullissivimmi suliffeqarfimmut allamut pisinnaatitsissummik pilersitsigit noqqaassuteqarlutilluunniit
Pisinnaatitsissummik pilersitsiniarlutit noqqaassuteqarniarlutilluunniit Digital Fuldmagt-imi imminut sullissivimmikuarit.
Digital Fuldmagt-imi imminut sullissivik: Iserfissaq (qallunaatut)
Sammisat attuumassuteqartut allat
MitID Erhverv-imi atuuffiit pillugit paasisaqarnerusinnaavutit:
Inuussutissarsiuteqartunut pisinnaatitsissut
MitID appi, kodenik nuisitsivik, kodenik atuaasartoq chippilu
MitID Erhverv pillugu nalinginnaasumik paasisaqarsinnaavusi quppernerni tulliuttuni: