Suliffeqarfissi MitID Erhverv-imi nammineq toqqarsinnaavaa suliffeqarfissi sinnerlugu qanoq isersinnaarusunnerlusi qanorlu digitalimik atsiorsinnaassanersusi.
Isernissamut periarfissat
MitID Erhverv eqaappoq. Suliffeqarfissi taamaammat nammineq aalajangersinnaavaa suliffeqarfissinni sulisut suliffeqarfissi sinnerlugu qanoq iserlutillu atsiorsinnaassanersut. Assersuutigalugu sulisusi:
- Akileraartarnermut nalunaaruteqarniarpata
- suliffeqarfiup Digitalimik Allakkanik atuarniarpata (ass. e-Boks)
- NemRefusion-imi utertitsinissamik noqqaassuteqarpata
Suliffeqarfissi MitID Erhverv-imik assigiinngitsunik marlunnik tamakkiisumik atuinissaq toqarsinnaavaa:
- Namminerisamik inuttut MitID atorlugu: MitID sulisut nammineq pigeriigaat assersuutigalugulu nammineq aningaaserivimminnut iserniaraangamik atortagaat.
- Immikkut MitID atorlugu: MitID-mik nutaamik sulisunit suliffeqarfissi peqatigiiffissiluunniit sinnerlugu iliuuseqarniaraangata atorsinnaasaannik nutaamik pilersitsilluni.
Suliffeqarfik sinnerlugu iliuuseqarnissamut namminerisamik MitID atoruk
Namminerisamik MitID nammineq inuttut assersuutigalugu nammineq aningaaserivissinnut isernissamut imaluunniit nammineq inuttut Digitalimik Allakkanik (ass. e-Boks) atuarnissamut atorneqartarpoq.
Suliffeqarfissi sinnerlugu MitID Erhverv-imi iliuuseqarnissamut namminerisamik MitID atorneqarsinnaavoq. Assersuutigalugu sulisoq NemRefusion-imi utertitsinissamut noqqaassuteqarniarluni iserpat. Tamatumani sulisut nammineq inuttut MitID-ertik atorlugu isissapput atuisutut ilisarnaatertik allallugu, soorlu assersuutigalugu aningaaserivimminnut iserniaraangamik allattagartik allallugu. Iserunik nammineq inuttut imaluunniit suliffeqarfissinni sulisutut isissanerlutik toqqarsinnaassavaat.
Inuit ilai suliffeqarfissi sinnerlugu digitalimik iliuuseqarniaraangata ingerlaannartumik nammineq inuttut MitID-ertik atorlugu isersinnaalertarput. Tamanna pikkajunnerusarpoq:
- suliffeqarfik sinnerlugu digitalimik iliuuseqarnissamut pisariaqartitsinermi suliffeqarfimmi inuk ataaseq atorneqarsinnaapput
- inuk assersuutigalugu suliffeqarfimmik piginnittutut suliffeqarfik sinnerlugu atsiorsinnaappat.
Allatut ittoqartillugu sulisut suliffeqarfik sinnerlugu iliuuseqartussaagaangata suliffeqarfiup sulisullu ataasiakkaat nammineq inuttut mitID-minnik atuisinnaanissaat akuerissavaat.
Suliffeqarfiup sulisullu ataasiakkaat paasissutissaataat immikkoorluinnarput
Sulisut suliffeqarfissi sinnerlugu iliuuseqarnissamut nammineq inuttut MitID-ertik atorunikku MitID-ip imarissavai:
- sulisup nammineq inuttut paasissutissaatai
- inuussutissarsiornermut atatillugu sulisutut sulisoq pillugu paasissutissat.
Paasissutissat taakku MitID Erhverv-imi immikkoorluinnarput paasissutissallu akuleriisinneqarnaviaratik.
Sulisut suliffeqarfik sinnerlugu digitalimik iliuuseqarnerminni MitID Erhverv-imi MitID-minnik atuisinnaanissaannut suliffeqarfimmi aqutsisoq akuersisussaavoq. MitID Erhverv-imi suliffeqarfimmi kinaasutsimik uppernarsaatit suut atorneqarsinnaanissaannik suliffeqarfimmi aqutsisup qanoq akuersisinnaanissaat pillugu ilitsersuut nassaariuk:
Sulisusi MitID Erhverv-imi atuisutut pilersinneqarpata MitID Erhverv-imi atuisutut imminnut atuutilersissapput. Atuutilersitsinermi aperineqassapput immikkut MitID-qarusunnerlutik aperineqassapput. Ilitsersuut uaniippoq:
Immikkut MitID: MitID inuussutissarsiornermut atatillugu taamaallaat atortoq
Namminerisamik MitID-mik atuinermut taarsiullugu sulisusi suliffeqarfissi sinnerlugu digitalimik iliuuseqartussaagaangata MitID-mik atorsinnaasaannik nutaamik pilersitsisinnaavusi. Immikkut MitID-mik ateqarpoq: Imaappoq, sulisut MitID-mi atuisutut-ID-mik nutaamik pissapput. Taanna allattassavaat suliffeqarfik sinnerlugu iserniarunik imaliuunniit atsiorniarunik.
Immikkut MitID sulisut namminerisamik oqarasuaataanni imaluunniit oqarasuaammi allami
Sulisorsi MitID app atorpagu immikkut MitID-qassanerlutik nammineerlutik uani aalangersinnaavaat:
- nammineq oqarasuaatiminni
- nammineq oqarasuaatiginngisami allami, nalinginnaasumik atorfimmut atatillugu oqarasuaataakkajuttumi
- nammineq oqarasuaatiminni oqarasuaammilu allami.
Malugiuk, sulisoq biometri atorlugu - inussat ipaat imaluunniit kiinnamik ilisarsissut - akuersisinnaassanngimmat nammineq oqarasuaatigisami oqarasuaammiluunniit allami MitID-mik atuisutut ilisarnaateqareersumi immikkut MitID inissinneqarsimappat.
Suliffeqarfimmi aqutsisup sulisut suliffeqarfik sinnerlugu iliuuseqartussaagaangata nammineq inuttut MitID-minnik imaluunniit MitID app, kodenik nuisitsissut, kodenik atuaassut chippiluunniit atorlugu immikkut MitID-mik atuisinnaassanersut inissitsitersinnaavai. Suliffeqarfimmi aqutsisup MitID Erhverv-imi taakku isumagissavai. Ilitsersuut uaniippoq:
Sulisusi MitID Erhverv-imi atuisutut pilersinneqarpata MitID Erhverv-imi atuisutut imminnut atuutilersissapput. Atuutilersitsinermi aperineqassapput immikkut MitID-qarusunnerlutik aperineqassapput. Ilitsersuut uaniippoq:
MitID avitseqatigiissutigineqartoq: MitID-mi atuisuunermut ilisarnaat taamaattoq immikkut MitID-mik atuinermi suliffeqarfippassuit sinnerlugit atorneqartarpoq.
Suliffeqarfissinni MitID Erhverv-imik atuisoq immikkut MitID-mik atuiniarluni aalajangerpoq. Atuisup MitID-mik atuisutut ilisarnaat suliffeqarfissinnit pilersinneqarsimasoq atorsinnaavaa - aamma atuisoq sulisut allat sinnerlugu digitalimik iliuuseqartarpat. Tamanna pisinnaavoq assersuutigalugu suliffeqarfiit, peqatigiiffiit imaluunniit pisortani oqartussaasut sinnerlugit. Tamanna MitID-mik avitseqatigiissutigineqartutut taaneqartarpoq.
Atuisut MitID-mik avitseqatigiissutigineqartumik aatsaat pisinnaavoq suliffeqarfiit tamarmik akuersippata.
Atuisut avitseqartigiissutigineqartumik MitID-qarpat MitID taanna suliffeqarfiit sinnerlugit atuisumit iliuuseqarfigineqartartut tamarmik pillugit paasissutissanik imaqassaaq. Paasissutissat taakku MitID Erhverv-imit avissaartinneqarluinnarsimapput. Paasissutissat taamaammat akuleriilernavianngillat.
Suliffeqarfissi sinnerlugu atuisoq MitID avitseqatigiissutigineqartoq atorlugu iliuuseqarsinnaavoq, imaappoq MitID suliffeqarfimmit allameersoq, kisianni aatsaat pissutsit tulliuttut marluk akuerisinnaagussiuk:
- Suliffeqarfimmi aqutsisut suliffeqarfissinni MitID-mik avitseqatigiissutigineqartuimik atuinerup akuerineqarnissaa MitID Erhverv-imi inissitsiteriffissani toqqarsimavaat.
- Atuisunik aqutsisup atuisumut MitID-mik avitseqatigiissutigineqartumik atuerusuttumut taassuminnga kinaanermik uppernarsaasinnaalersissavaa.
Suliffeqarfimmi aqutsisup MitID-mik avitseqatigiissutigineqartumik suliffeqarfimmi atuisoqarsinnaassanersoq aalajangissavaa. Suliffeqarfimmi aqutsisup MitID Erhverv-imi taakku isumagisinnaavai. Ilitsersuut uaniippoq:
Atuisunik aqutsisoq atuisunut kinaanermik uppernarsaatissatut avitseqatigiissutigalugu MitID-mik atuerusuttunut tunniussisinnaavoq. Suliffeqarfissinni avitseqatigiissutigalugu MitID-mik atuisoqarsinnaanissaanik suliffeqarfimmi aqutsisumit akuersissutigineqarsimappat aatsaat avitseqatigiissutigalugu MitID-mik tunniussinissamut periarfissaq nuisassaaq.
MitID-mi kinaassutsimik uppernarsaanermut atortut (qallunaatut)
Atuisut imminut sullissivimmut iserpat assersuutigalugu Virk-imi imaluunniit Digitalimik Allakkanik (ass. e-Boks) atuisup MitID-mi atuisutut ilisarnaatini atussavaa, suliffeqarfik sinnerlugu iliuuseqarfissaq sorliunersoq apeqqutaatinnagu. Atuisoq MitID-imi atuisutut ilisarnaatini allappagu isernerlu akueralugu atuisoq aperineqassaaq suliffeqarfik sorleq sinnerlugu iserniarnerluni.
Sammisat attuumassuteqartut allat
MitID Erhverv-imi atuuffiit pillugit paasisaqarnerusinnaavutit:
MitID appi, kodenik nuisitsivik, kodenik atuaasartoq chippilu
MitID Erhverv pillugu nalinginnaasumik paasisaqarsinnaavusi quppernerni tulliuttuni: