Imminut sullissivinni suliassanut isersinnaaneq suliaqarsinnaatitaanerluunniit. Sulisusi MitID Erhverv-imi pisinnaatitaaffinnik tunineqassapput suliffeqarfissi sinnerlugu isersinnaassappata imaluunniit nammineq sullissivinni digitalimik iliuuseqarsinnaassappata.
Pisinnaatitaaffiit
MitID Erhverv-imi pisinnaatitaaffik imminut sullissivinni suliassanik aalajangersimasunik suliaqarnissanut periarfissiivoq pisinnaatitsillunilluunniit, assersuutigalugu NemRefusion-imi utertitsinissamut noqqaassuteqarsinnaanissamut.
MitID Erhverv-imi pisinnaatitaaffinnik aqutsisoq suliffeqarfimmi MitID Erhverv-imik atuisunut pisinnaatitaaffinnik pisariaqartinneqartunik tunniussisinnaavoq.
Pisinnaatitaaffinnik tunniussineq peersinerluunniit (qallunaatut)
Malugiuk, suliffeqarfissi MitID Erhverv-imi ukununnga isernissamut aqqutissiuisinnaanngimmat:
- suliffeqarfissinnut Digitalimik Allakkanut (ass. e-Boks)
- skat.dk-mi momsinik il.il. nalunaarsuineq
Taakkununnga isersinnaanissaq pisariaqartikkussiuk ilitsersuutit tulliuttut atuakkit.
Suliffeqarfimmut Digitalimik Allakkanut (ass. e-Boks) imannak isersinnaalissaatit (qallunaatut)
Suliffeqarfiit sinnerlugu skat.dk-mi TastSelv-imut imannak isersinnaalissaatit (qallunaatut)
Suliffeqarfissinni MitID Erhverv-imik atuisut ulluinnarni sulinerminni amigaatigisaminnik piffissap ingerlanerani paasisimasaminnik pisinnaatitaaffeqalernissamut aamma noqqaassuteqarsinnaapput. Pisinnaatitaaffinnik noqqaassuteqarpata suliffeqarfissinni pisinnaatitaaffissinnik aqutsisoq MitID Erhverv-imi nalunaarummik tigusaqassaaq. Pisinnaatitaaffinnik aqutsisoq noqqaassummik akuersippat aatsaat atuisoq pisinnaatitaaffeqalissaaq. Malugiuk pisinnaatitaaffinnik aqutsisup noqqaassutip akuerineqarsimaneranik atuisumut ilisimatitsissammat, akuersinermi MitID Erhverv nalunaarummik nassiussaqarneq ajormat.
Atuisoq pisinnaatitaaffinnik MitID Erhverv-imi qanoq noqqaassuteqassanersoq pillugu ilitsersuut nassaariuk:
Imminut sullissivinnut atugassannut isersinnaanngilatit (qallunaatut)
Atuisunut eqimattat pisinnaatitaaffinnik tunniussinermik ajornannginnerulersitsipput
Atuisut arlallit assigiinnik pisinnaatitaaffeqassappata suliffeqarfissi atuisunik eqimattalioruarsinnaavoq. Atuisunik eqimappat arlalinnik pisinnaatitaaffilerneqarsinnaapput atuisunik eqimattani atuisut tamarmik assigiinnik pisinnaatitaaffeqalersillugit. Taamaaliornikkut atuisuni ataasiakkaani pisinnaatitaaffinnik ataasiakkaanik tunniusseqinani peerseqinaniluunniit suliffeqarfik atuisunik ilanngussiinnarsinnaavoq peersilluniluunnit.
Suliffeqarfimmi aqutsisoq:
- atuisunik eqimattaliorsinnaavoq
- eqimattanut pilersinneqarsimasunut pisinnaatitaaffinnik tunniussisinnaavoq.
Pisinnaatitaaffinnik aqutsisoq imaluunniit atuisunik aqutsisoq eqimattani suliffeqarfimmi aqutsisumit pilersinneqarsimasuni atuisunik ilanngussisinnaavoq peersilluniluunniit.
Systemikkut atuisunik eqimattanik pilersinneqarsimasunik aamma peqarpoq. Eqimattat ingerlaannartumik pilersinneqarsimapput, tassani atuisut assersuutigalugu P-enhedimut pineqartumut attuumassuteqarlutik immikkoortumilu aalajangersimasumi pisinnaatitaaffeqarlutik. Pisinnaatitaaffinnik aqutsisoq atuisunik eqimattanik ingerlaannaq pilersinneqarsimasuni atuisunik ilanngussisinnaanngilaq peersilluniluunniit.
Atuisuni eqimattani atuisumik ikkussine peersinerluunniit (qallunaatut)
Sammisat attuumassuteqartut allat
MitID Erhverv-imi atuuffiit pillugit paasisaqarnerusinnaavutit:
MitID appi, kodenik nuisitsivik, kodenik atuaasartoq chippilu
MitID Erhverv pillugu nalinginnaasumik paasisaqarsinnaavusi quppernerni tulliuttuni: